Matius 1:1 - Porjanjian Boharu Torjomahan Baso Dilakng Soari-ari

¹ Ni'innam koturutan angki-bayatn Yesus, Rajo Inyo Dijanjian Allah, Rajo inyo kito sobut ‘Kristus’. Yesus nantai koturutan Rajo Daud, huatan koturutan Abrahapm jam. Koturutannyo ia'an:

Matius 1:1 ပူးပေါင်းရင်းမြစ်များ

Matius 1:18

Kolahiran Yesus Kristus, Rajo Inyo Dijanjian Allah nantai, tojadi dinga' ni'in: Maria nantaiam indai Yesus. Sobolupm nantai, io botunangan agatn Yusuf. Apo sobolupm sia' kawitn, ruponyo Maria udah buntikan. Nantai tojadi obai kuaso Roh Allah.

Matius 1:2

Abrahapm boana'an Ishak; Ishak boana'an Yakub; Yakub boana'an Yehuda huatan boko somadikannyo;

Matius 15:22

Siku' botina' doi' doerah nantai datakng ko Yesus. Botina' nantai doi' banso Kanaan. Sio moningkau, “Tuhatn, Rajo doi' koturutan Daud. Kasihicam aku! Ana' botina' ku dirasu'i roh jahat. Io kotakan podih jorih.”

Matius 3:16

Lopas jadi dibaptis, Yesus hagar koluar doi' dalapm ara'i. Watu nantai jam, langit tobuka'. Yesus moniant Roh Allah turutn ko Io samo sama'an burukng daro.

Matius 9:27

Lopas Yesus botula' doi' santai, ado duo urakng buto mombodapan Sio. Sia' mondongkakng-mondorah, “Yesus, Rajo doi' koturutan Daud! Kasihicam koi!”

Lukas 1:33

Huatan Sio tajahan momorintah sobagai rajo Israel somanah-manahnyo. Korajaan-Nyo kinyo tohu botongga'.”

Yohanes 7:42

Buku Suci mongatoan obai Kristus nantai koturutan Rajo Daud. Buku Suci pan mongatoan obai Kristus boasal doi' laman Betlehem, kampukng laman Daud.”

Kisah Boko Rasul 2:30

Apo io nantai nabi. Io udah mongotohu'i la'apo inyo paca'an tojadi. Io ado janji doi' Allah. Janji nantai kuat bondar. Ni'innam janji-Nyo: siku' urakng doi' koturutan Daud paca'an monjadi rajo. Rajo nantai paca'an momorintah umant Allah.

Roma 1:3

Kabar Boi' nantai mongona'i Ana'-Nyo, ia'an Yesus Kristus, Tuhatn inyo bokuaso dipucu' kito. Yesus dilahiran socaro monsio sobagai koturutan Rajo Daud. Apo, Yesus jam ia'an Urakng Inyo Kudus doi' Allah. Obai, timpu watu Sio bobali' hidup doi' komatian, Allah monunju'an obai Yesus ia'an Ana'-Nyo inyo bokuaso.

Roma 4:13

Allah bojanji pakai' moonju' dunia ko Abrahapm huatan koturutannyo. Allah mombulah janji nantai bukai obai Abrahapm monaati Hukupm Torat, apo obai Abrahapm pocayo huatan monjadi bondar di hadapan-Nyo.

Roma 9:5

Sia' nam koturutan Abrahapm, Ishak ongko Yakub, pombopaian angki-bayatn sia'. Pas Kristus monjadi monsio, Sio lahir sobagai koturutan urakng Israel jam. Sio bokuaso di pucu' la'apo pan. Sio nam Allah inyo cucu' dipuji somanahnyo. Amin!

Galatia 3:16

Apotolagi' porjanjian doi' Allah “ko Abrahapm huatan ko koturutannyo.” Buku Suci kinyo momakai kato ‘Boko koturutannyo’ obai rotinyo bukai banya' urakng. Rotinyo bayo siku' urakng, ia'an Kristus.

1 Timotius 2:5

Obai, bayo siku' Allah inyo bondar. Bayo siku' Porontaro antaro Allah agatn somuo monsio, ia'an Kristus Yesus.

2 Timotius 2:8

Kabar Boi' inyo aku boritoan ia'an mongona'i Yesus Kristus, koturutan Rajo Daud. Sionam Kristus inyo udah bobali' hidup doi' komatian.

Wahyu 22:16

Yesus bopandir, “Aku udah moutus molekat-Ku pakai' momadahannyo ko kaitn mongona'i somuonyo ni'in. Nantai pakai' kopontikan boko jomaat. Aku ninam Koturutan doi' Rajo Daud. Aku ia'an Bintakng Timur inyo torakng nantai.”