Markus 9:32 - Porjanjian Boharu Torjomahan Baso Dilakng Soari-ari

³² Sia' kinyo mongoroti pomandiran nantai. Apo sia' pan gola' botakutn ko Yesus mongona'i la'apo masud Sio mongona'i hal nantai.

Markus 9:32 ပူးပေါင်းရင်းမြစ်များ

Lukas 18:34

Apo koduo bolas rasul-Nyo samo sokali kinyo mongoroti somuo inyo dipandiran Yesus nantai. Sia' co tohu la'apo inyo dimasud-Nyo. Roti inyo sobondarnyo doi' boko pomandiran inyo dipandiran-Nyo, co sia' mongoroti.

Lukas 9:45

Apo boko murid-Nyo kinyo mongoroti pomandiran-Nyo nantai. Allah mombumbutn rotinyo doi' sia', oca' sia' co mongoroti. Sia' gola' botakutn ko Yesus mongonaꞌi roti doi' pomandiran-Nyo.

Lukas 2:50

Apo sia' kinyo mongoroti agatn pomandiran-Nyo nantai.

Yohanes 16:19

Yesus tohu obai ado inyo honda' sia' takutan ko Sio. Jadi Sio bopandir, “La'apo inyo kaitn pandiran ko siku'-monyiku', kaitn honda' botakutn ko Aku mongona'i pomandiran-Ku tontai sobontar agi', kaitn co paca'an moniant Aku. Apo sobontar agi' lopas nantai kaitn paca'an moniant Aku agi'. Nianam bai inyo honda' kaitn takutan ko Aku tai?

Yohanes 12:16

(Timpu nantai, boko murid Yesus co mongoroti boko hal nantai. Apo, lopas Yesus dimuliaan molalu'i komatian huatan konoi'an-Nyo ko sorugo, hoyu' sia' mongoroti obai boko hal nian totulis mongona'i Yesus. Sia' mongoroti obai boko hal ni'in inyo sia' pulah ko Yesus, udah sosuai agatn pomandiran nabi nantai.)

Markus 9:10

Sia' monyimpatn porintah nantai di antaro sia' siku'. Sia' botakutn ko siku'-monyiku' lapo inyo di masud Yesus agatn “Bobali' hidup doi' komatian”.

Yohanes 4:27

Timpu nantai, boko murid-Nyo datakam. Sia' hiratn bondar moniant Yesus bopandir agatn siku' botina'. Apo conyiant ado urakng doi' sia' inyo bopandir, “Duatn honda' la'apo?” Kata'an, “Mapo Duatn bopandir agatn botina' nian?”

Lukas 24:45

Lopas nantai Yesus pan mombuka' pikiran sia' pakai' mongoroti masud Buku Suci.

Markus 16:14

Koponsuahannyo, Yesus moniant'an diri kosobolas murid-Nyo timpu sia' tongahan makatn. Sio monogur sia' obai hati sia' koras, sia' kinyo pocayo ko boko urakng inyo udah moniant Sio bobali' hidup.

Markus 8:33

Yesus lansukng mongilikng ko arah boko murid-Nyo, lalu mohohakap Petrus. Kato-Nyo, “Jangan kulo monjadi sama'an Rajo Sitatn inyo mohalak-halaki Aku monuntukan kohonda' Allah. Kulo ongkah monuruti pikiran monsio, bukainyo pikiran doi' Allah!”

Markus 7:18

Timbas Yesus, “Apo bai kaitn bolupm mongoroti jam? Kaitn gola' tohu obai la'apo pan inyo mansu' ko dalapm nyao kinyo bulah urakng monjadi campah.