Markus 9:31 - Porjanjian Boharu Torjomahan Baso Dilakng Soari-ari

³¹ Obai Sio tongahan mongajar boko muridnyo. Kato-Nyo ko sia', “Ana' monsio paca'an ditangkap lalu disorahan ko urakng inyo molawatn Io. Sia' paca'an mombunuh-Nyo, apo Io paca'an bobali' hidup di ari ko tigo.”

Markus 9:31 ပူးပေါင်းရင်းမြစ်များ

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

Markus 9:12

Timbas Yesus, “Bondaram hal nantai udah ditulis dalapm Buku Suci. Nabi Elia tajahan holu datakng pakai' monyiap'an somuo hal pakai' kodatakan Rajo Inyo Dijanjian Allah. Apo pondinga'anbo ni'in: Nabi Elia inyo dimasud nantai udah datakam. Boko urakng bulah inyo jahat ko io sokohonda' hati sia'. Apo, somuo nantai tojadi sosuai agatn pomandiran inyo totulis mongona'i Io dalapm buku Suci. Jadi, porotian jam pomandiran inyo totulis mongona'i Ana' Monsio. Buku Suci mongatoan obai Ana' Monsio paca'an dihanyam huatan banya' moalapi ajab sonsaro. Pikiran cam mongona'i masud pomandiran nantai.”

Markus 8:31

Lopasnyo, Yesus moajaran ko sia' obai Ana' Monsio gola' kotakng banya' moalapi ajab sonsaro. Io gola' ditula' boko pomimpitn banso, boko imam kopala', boko guru agama Yahudi. Io paca'an dibunuh. Apo watu ari kotigo, Io bobali' hidup agi'.

Lukas 24:26

Allah udah monontuan Sio gola' ajab sonsaro samaꞌan nantai holu'ai sobolupm Sio dimuliaan.”

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Yohanes 10:18

Conyiant siku' urakng pan inyo ulih mombunuhKu. Apo Aku monyorahan hidup-Ku monurut kohonda'-Ku siku'. Aku ado kuaso pakai' moijitan urakng mombunuh-Ku. Aku pan ado kuaso pakai' hidup agi'. Nianam porintah inyo Aku torima' doi' Bopai-Ku.”

Yohanes 3:14

Samo sama'an komai Musa moninggian ular tombago ditihakng kayu dipadakng pasir. Samo ubo nantai jam agatn Ana' Monsio paca'an ditinggian

Yohanes 2:19

Timbas Yesus, “Robahanbo Rumah Allah ni'in. Lalu, dalapm tigo ari, Aku paca'an mombangunnyo agi'!”

Lukas 9:44

“Pondinga'an boboi'. Sokali-kali jangan sampai kaitn tongkolupatn agatn pomandiran-Ku ni'in: Ana' Monsio paca'an ditangkap huatan disorahan ko boko urakng inyo molawatn Sio.”

Matius 27:63

Kato sia', “Habakng, koi ingant watu Yesus ponipu nantai ija' hidup, Sio kalo bopandir, ‘Lopas tigo ari, Aku paca'an hidup agi'.’

Markus 10:34

Io paca'an dipoulu'-ulu'an, diigahi, dicambuk lopasnyo dibunuh. Apo watu ari kotigo, Io tajahan hidup agi'.”