Markus 9:25 - Porjanjian Boharu Torjomahan Baso Dilakng Soari-ari

²⁵ Timpu Yesus moniant mongkitn banya' urakng mula'i datakng bokumpul di santai, Sio momorintah roh jahat nantai agatn koras. Kato-Nyo, “Roh jahat inyo mombulah urakng bisu huatan tingal, Aku monyiuh kolai, koluarcam doi' bobia' ni'in. Jangan tamo ko dalapm io agi'!”

Markus 9:25 ပူးပေါင်းရင်းမြစ်များ

Kisah Boko Rasul 16:18

Boari-ari tumbas io molabuhan nantai timpu botomu agatn Paulus. Koponsuahannyo, Paulus kinyo tahatn agi' obai ganggu'an nantai. Jadi, Paulus mongilikng ko bolikat. Katonyo ko roh potonung nantai, “Dalapm damo Yesus Kristus, aku tundukng kolai ko luar doi' botina' ni'in!” Lansukng roh jahat nantai koluar.

Lukas 9:42

Watu bobia' nantai mohampiki Yesus, roh jahat monyorakng bobia' nantai, mohompasannyo ko tanah, bokorikng-korikng bukakng-tubuhnyo. Apo Yesus monundukng roh jahat nantai koluar, lansukng bobia' nantai nyamanam ongko disorahan agi' ko bopainyo.

Markus 9:15

Apo watu urakng banya' nantai moniant Yesus, sia' tokonyant huatan bonggidi'an mohimpa'i Sio.

Matius 17:18

Yesus monundukng roh jahat inyo bulah bobia' nantai boponyakit oca' koluar doi' bobia' nantai. Jadi, koluaram roh jahat nantai. Lansukng nyamanam bobia' nantai.

Yudas 1:9

Mikhael ia'an pomimpitn molekat, apo io siku' kinyo mohayam sama'an sia'. Timpu, sio botikakng mulut agatn Rajo Sitatn mongona'i bangkai Musa, Mikhael kinyo bopikir io ado kuaso pakai' mohukupm Rajo Sitatn agatn mohayamnyo. Sobali'nyo, io bopandir, “Kironyo Tuhatn siku' paca'an mohukupm kolai!”

Lukas 11:14

Ado urakng inyo dirasu' roh jahat. Roh jahat bulah urakng nantai bisu. Pas ari nantai, Yesus monundukng roh jahat nantai koluar. Ongko urakng nantai ulih bopandir agi'. Jadi, banyaꞌ urakng di santai tokonyant ongko topocongo.

Lukas 4:41

Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Lukas 4:35

Yesus mohakap roh jahat nantai, “Bobacap! Koluar cam tangga'i urakng ni'in!” Ongko roh jahat nantai mohompasan urakng nantai jatu' dipohadapan boko urakng banya', lopasnyo koluar doi' urakng nantai apo co ngompodihinyo.

Matius 12:22

Lopas nian ado urakng inyo dirasu'i roh jahat dibaba' ko Yesus. Urakng nantai buto huatan bisu. Yesus monyamani io sampai io ulih moniant huatan bopandir agi'.

Markus 9:24

Lansukng bopai bobia' nantai mondorah, “Aku pocayo. Tulukngcam oca' aku lobih pocayo agi'!”

Markus 9:26

Roh jahat nantai mondorah, mombulah bukakng bobia' nantai bogogora', lalu koluar doi' io. Bobia' nantai kotiat'an sama'an urakng mati. Somuo urakng bopandir, “Io udah mati am!”