Markus 9:23 - Porjanjian Boharu Torjomahan Baso Dilakng Soari-ari

²³ Apo Yesus monogur io, “Kulo bopandir, Aman Duatn ulih? Somuo ulih dilabuhan tiap urakng inyo pocayo.”

Markus 9:23 ပူးပေါင်းရင်းမြစ်များ

Yohanes 11:40

Yesus bopandir ko io, “Ingantcam lapo inyo udah Ku katoan ko kolai ni'in: Aman kolai pocayo, jadi kolai paca'an moniant komulia'an Allah.”

Ibrani 11:6

Aman urakng kinyo pocayo, co mungkitn io ulih monyonangan hati Allah. Obai, urakng inyo datakng ko Allah gola' pocayo obai Allah ado. Io pan gola' pocayo obai Allah moonji'i upah ko sotiap urakng inyo bondar-bondar moncari'i Sio.

Markus 11:23

Dinga'anbo! Kaitn gola' pocayo obai la'apo pan inyo kaitn katoan pasti tajahan tojadi. Sotiap urakng inyo pocayo, kinyo gangga'-gua'an, soandainyo io monyiuh bukit ni'in, ‘Tocabut lopasnyo tonggolapm ko dalapm lout!’ Hal nantai tajahan tojadi.

Matius 17:20

Yesus monimbasi sia', “Kaitn kinyo ulih monundukng roh jahat nantai obai kaitn kurakng pocayo. Dinga'anbo ni'in: Aman kaitn pocayo sodikit ja', soumpamo kaitn monyiuh bukit ni'in, ‘Pindahcam ko su'utn!’ Ongko bukit ni'in paca'an pindah. Aman kaitn pocayo sama'an nantai, kinyo paca'an ado sosuatu inyo kinyo ulih kaitn pulah. [

Lukas 17:6

Timbas Yesus, “Aman iman kaitn ado sobosar bigi' sonsabi inyo kotakng kocit pan, soandainyo kaitn monyiuh tontanaman ni'in tocabut doi' tanah sampai ko akarnyo, ongko totanam di lout. Tontanaman ni'in pan tundu' agatn porintah kaitn.”

Kisah Boko Rasul 14:9

Urakng lumpuh nantai dudu' bondinga'an pomandiran Paulus. Io pocayo ulih nyamanamobai kuaso Yesus. Jadi, watu Paulus moniant io, Paulus tohu io pocayo.

Markus 9:22

Kotakng opatam roh jahat nantai honda' mombunuh io mombulah io jatu' ko dalapm api damo ko dalapm ara'i. Apo aman Duatn ulih bulah la'apo pan, kasihibo koi. Tulukng koi!”

Markus 9:24

Lansukng bopai bobia' nantai mondorah, “Aku pocayo. Tulukngcam oca' aku lobih pocayo agi'!”

Matius 14:29

Kato Yesus, “Kosi'itn cam!” Jadi Petrus turutn doi' porohu, bojalatn di pucu' ara'i mondataki Yesus.