Markus 8:6 - Porjanjian Boharu Torjomahan Baso Dilakng Soari-ari

⁶ Lalu, Yesus monyiuh urakng banya' nantai dudu' di tanah. Yesus monguti' tujuh pingkai' roti nantai ongko moucap torima' kasih ko Allah. Sio momingkai'-mingkai' roti nantai, ongko moonju'nyo ko boko murid-Nyo oca' dipombagi-bagian ko boko urakng banya' nantai. Ongko sia' molabuhannyo.

Markus 8:6 ပူးပေါင်းရင်းမြစ်များ

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

Roma 14:6

Urakng inyo bopikir ado ari totontu inyo lobih pontikng, io molabuhan nantai pakai' mohormati Tuhatn. Urakng inyo bopua' la'apo ja', io molabuhan nantai pakai' mohormati Tuhatn obai io bosukur ko Allah. Urakng inyo bayo bopua' pomakatn inyo totontu, io molabuhan nantai pakai' mohormati Tuhatn. Io pan bosukur ko Allah.

Yohanes 6:23

Lopas nantai ado boboropo porohu inyo datakng doi' kota Tiberias. Boko porohu nantai datakng ko dampikng tompat Tuhatn Yesus moonji'i roti ko boko urakng banya' somamannyo lopas jadi Sio moucap'an torima' kasih ko Allah.

Yohanes 2:5

Apo indai Yesus bopandir ko boko hulutn di siatn nantai, “Haja' kato labuhan nam la'apo inyo Io padahan ko kaitn.”

Lukas 24:30

Watu Sio dudu' makatn sosamo agatn sia', Sio monguti' roti. Lopas jadi moucap'an doa sukur, Sio momingkai'-mingkai' roti nantai agatn jari-Nyo ongko moonju'nyo ko sia'.

Lukas 12:37

Boko hulutn inyo siap paca'an sonang-nyaman, biar pan habakngnyo datakng tinggi malapm damo holapm sunsukng. Habakngnyo tajahan sonang agatn sia' obai sia' hala siap monanti kodatakannyo. Dinga'anbo ni'in: Habakng nantai paca'an monggonti pakai'annyo pakai' molayati sia'. Io tajahan monyiuh sia' pakai' dudu' makatn. Lalu io tajahan molayati sia'.

Matius 26:26

Pas sia' tongahan makatn, Yesus moncanggapm roti lalu moucap'an doa sukur. Sio momingkai'-mingkai' roti lalu moonju'nyo ko boko murid-Nyo. Kato-Nyo, “Kuti'cam, makatncam, ninam bukakng-Ku.”

Markus 8:5

Yesus botakutn ko sia', “Ado boropo roti inyo ado di kaitn?” Timbas sia', “Ado tujuh pingkai'.”

Markus 8:7

Sia' pan ado boboropo iku' ikatn kocit. Yesus pan moucap'an torima' kasih ko Allah pakai' ikatn nantai, lalu monyiuh boko murid-Nyo mombagi-bagiannyo jam.

Markus 8:20

“Aku pan moonji'i pomakatn pakai' urakng ompat ribu doi' tujuh pingkai' roti. Timpu kaitn mongumpulan kolobihannyo, boropo kobudu' inyo bisi?” Timbas sia', “Tujuh kobudu'.”