Markus 8:32 - Porjanjian Boharu Torjomahan Baso Dilakng Soari-ari

³² Yesus momandiran ko boko murid-Nyo mongona'i hal nantai agatn torus torakng. Apo Petrus mondudus Yesus ko sopia' ongko monogur Sio agatn koras.

Markus 8:32 ပူးပေါင်းရင်းမြစ်များ

Matius 16:22

Apo Petrus monari' Yesus ko sopia' lalu monikaki Sio. Kato Petrus, “Jangan, Tuhatn! Co mungkitn Allah mombiaran Duatn ajab sonsaro sama'an nantai!”

Yohanes 16:25

Aku momadahan somuonyo nantai ko kaitn momakai poumpamoan. Apo nononyo Aku co ija' momadahannyo ko kaitn momakai poumpamoan. Aku paca'an momandiran torus-torakng ko kaitn mongona'i Allah Bopai-Ku.

Yohanes 16:29

Lalu, boko murid-Nyo bopandir, “Nah, watu ni'in Duatn bopandir torus-torakng, co momakai poumpamoan.

Yohanes 18:20

Apo Yesus bopandir ko io nantai, “Hibo kolai botakutn ko Aku? Aku hala bopandir torus-torakng di muka' umum. Aku hala mongajar di boko rumah sombayakng, huatan di Rumah Allah jam, tompat somuo urakng Yahudi bokumpul. Kinyo kalo Ku bumbutn. Takutan ja'am ko sia' inyo udah mondinga' boko ajaran-Ku. Pasti sia' tohu lapo inyo Ku katoan.”

Lukas 10:40

Apo Marta kotakng repot obai tolalu banyaꞌ inyo io korojoan pakai' molayati boko tamu' nantai. Ongko, io mohampiki Yesus, kapikng botuta', “Tuhatn, somadikanku nian mombiaran aku bokorojo molayati siku'ku mo. Ubonyo Duatn co tonturian. Siuhbo io nian monulukng aku!”

Markus 4:38

Apo, timpu nantai, Yesus tongahan toidu' di buai komudi porohu momakai bantal. Jadi, boko murid-Nyo monggagaian Sio. Kato sia' ko Sio, “Guru, pasti kito tajahan mati! Hibo Duatn co poduli?”

Yohanes 10:24

Ado boko urakng Yahudi datakng bokumpul di sokolilikng Yesus. Kato sia' ko Sio, “Boropo manah agi' Duatn mombiaran koi gangga'-gua'an! Aman Duatn memang Kristus, Rajo Inyo Dijanjian Allah, padahancam agatn torus torakng ko koi.”

Yohanes 11:14

Obai nantai, Yesus bopandir agatn torus torakng, “Lazarus udah mati.