Markus 8:23 - Porjanjian Boharu Torjomahan Baso Dilakng Soari-ari

²³ Yesus moncanggapm longan urakng buto nantai ongko moirikannyo ko luar kota. Yesus moigahi mato urakng nantai, lalu molota'an jari-Nyo ko mato urakng nantai. Yesus botakutn ko io, “Apo bai watu ni'in ado inyo kulo tiat?”

Markus 8:23 ပူးပေါင်းရင်းမြစ်များ

Markus 7:33

Yesus monyongkayoan io doi' urakng banya' nantai. Yesus momansu'an tunju'-Nyo ko kolindakan urakng nantai. Lalu, Sio moigah ongko moncama' lidah urakng nantai.

Markus 5:23

Io muhun bondar ko Yesus. Katonyo, “Bopai, ana' botina'ku boponyakit, hampir matiam. Tulukng dataki, cama'nyo oca' io nyamanam ongko kinyo mati.”

Kisah Boko Rasul 9:8

Lopas mondinga' pomandiran Yesus nantai, Saulus pan angkat, bodiritn, ongko moncolakan matonyo. Apo io co ulihnyo moniant la'apo pan. Jadi boko urakng inyo bosamo agatn io moncanggapm longannyo. Sia' moirikan io momansu'i kota Damsyik nantai.

Wahyu 3:18

Obai nantai, Aku momadahi kaitn oca' momboli omas doi' Aku, omas inyo udah dimurnian dalapm api. Kaitn gola' molabuhan nantai oca' kaitn bondar-bondar monjadi dampu. Bolicam pakai'an putih doi' Aku oca' kaitn bopakaian, oca' monutupi koadaan kaitn kolanjakng inyo bulah kaitn malu. Bolicam ubat pakai' dipalitan ko mato kaitn oca' kaitn ulih moniant.

Ibrani 8:9

Pojanjian boharu nantai kinyo samo doi' pojanjian inyo Aku pulah agatn angki-bayatn sia' watu Aku moirikan sia' koluar doi' tanah Mesir. Sia' kinyo monuruti pojanjian inyo Aku pulah agatn sia'. Jadi, Aku co bodulian sia'.

Markus 8:24

Urakng nantai moniant ko pohadapan, ongko bopandir, “Au. Aku moniant urakng bojalatn-jalatn, apo sia' kotiat'an sama'an boko kayu.”

Markus 8:26

Yesus bopandir ko io, “Pulakngcam! Apo jangan mansu' ko dalapm kota nantai.”

Kisah Boko Rasul 23:19

Komandatn pasukan nantai moncanggapm longan bobia' muda' nantai ongko mombaba' io aga' jojouh ko sopia'. Io botakutn, “La'apo inyo honda' kolai padahan ko aku?”