Markus 8:2 - Porjanjian Boharu Torjomahan Baso Dilakng Soari-ari

² Kato Sio ko sia', “Aku kotakng salu' agatn boko urakng banya' ni'in. Udah tigo ari sia' bosamo agatn Aku. Watu ni'in sia' conyiant pomakatn.

Markus 8:2 ပူးပေါင်းရင်းမြစ်များ

Matius 9:36

Watu Sio moniant urakng banya' nantai, Sio salu' agatn sia' obai sia' dalapm kosusahan huatan kotakng momontikan potulukan, samo sama'an boko domba inyo kinyo bisi gombala.

Ibrani 5:2

Imam agukng kinyo togas agatn boko urakng inyo sosat huatan bolupm mongoroti jalatn inyo bondar. Obai, io siku' kurakng kuat huatan bulah dosa samo sama'an sia'.

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Lukas 15:20

Lalu botula'am io pulakng ko bopainyo. Watu io ija' jouh doi' rumah, bopainyo udah moniant io. Agatn kotakng salu' bopainyo bonggidi'an monomu'inyo, ongko mongolu'i huatan monciupmnyo.

Lukas 7:13

Watu Yesus moniant botina' balu nantai, Sio mooso kotakan kasih. Yesus bopandir ko botina' balu nantai, “Jadi am monangis indai.”

Markus 9:22

Kotakng opatam roh jahat nantai honda' mombunuh io mombulah io jatu' ko dalapm api damo ko dalapm ara'i. Apo aman Duatn ulih bulah la'apo pan, kasihibo koi. Tulukng koi!”

Markus 6:34

Watu Yesus turutn doi' porohu, Sio moniant ado banya' urakng di santai. Sio mooso kasih agatn sia' obai sia' conyiant urakng inyo moirikng sia'. Sia' samo sama'an boko domba inyo conyiant pongombolonyo. Jadi, Sio mongajaran banya' hal ko sia'.

Markus 5:19

Apo, Yesus co moijitannyo. Kato-Nyo, “Pulakngcam ko rumah kolai ongko boko urakng di laman kolai. Kabaran ko somuo sia' lapopan inyo udah Tuhatn labuhan ko kolai. Kabaran caronyo Tuhatn monunju'an kasih-Nyo ko kolai!”

Markus 1:41

Yesus mooso kasihan agatnnyo. Sio mouluran longan-Nyo, moncama' urakng nantai, lalu bopandir, “Aku honda'mo. Nyamancam!”

Matius 20:34

Yesus mooso salu' agatn sia' lalu moncama' mato sia'. Watu nantai jam sia' ulih moniant. Lalu sia' tuyut Yesus am.

Matius 14:14

Watu Yesus mondarat, Sio moniant kotakan banya' urakng di santai. Jadi, Sio mooso salu' agatn sia' lalu monyamani boko urakng inyo boponyakit di antaro sia'.

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Markus 6:32

Jadi, sia' botula' jumpat porohu monuju ko tompat inyo langunt.

Markus 8:3

Aku co kompakng monyiuh sia' pulakng tongahan sia' kolaparan, gola' sia' pinsatn di pojalatan, obai ado inyo datakng doi' jouh.”