Markus 8:18 - Porjanjian Boharu Torjomahan Baso Dilakng Soari-ari

¹⁸ Kaitn ado mato huatan kolindakan. Apo kaitn co mongoroti la'apo inyo ditiat huatan didinga' kaitn. Kata'an udah tongkolupatn kaitn am mujisat inyo udah Ku pulah?

Markus 8:18 ပူးပေါင်းရင်းမြစ်များ

Markus 4:12

Aku molabuhan nantai oca': ‘Sia' hala borotian porbuatan Allah apo kinyo bobondar mongoroti masudnyo. Sia' hala mondinga' borito doi' Allah, apo kinyo bobondar mongoroti. Obai, sia' co moninggalan boko dosa sia' ongko co hidup monyonangan hati Allah. Jadi, sia' culih diamputi.’ ”

Yohanes 12:40

“Tuhatn udah mombulah mato sia' buto. Sio udah mombulah hati sia' koras. Oca' jangan sampai ni'in tojadi: sia' moniant agatn mato, sia' mongoroti agatn hati, lalu moninggalan boko dosa sia', oca', Tuhatn moamputi sia'.”

Roma 11:8

Samo sama'an inyo totulis dalapm Buku Suci: “Allah mombulah sia' oca' co honda' mongoroti mongona'i caro hidup inyo bondar. Sampai ari ni'in pan, mato sia' kinyo bondar-bondar moniant. Kolindakan sia' kinyo bondar-bondar mondinga'.”

2 Petrus 1:12

Memang kaitn udah mongotohu'i somuo ni'inan. Kaitn udah kuat pocayo agatn ajaran bondar inyo udah disampaian ko kaitn. Apo, kohonda' ku pakai' hala moingant'an kaitn mongona'i somuonyo nantai.

2 Tesalonika 2:5

Kaitn soharusnyo ingant obai watu aku bosamo agatn kaitn, aku udah opat momandiran ko kaitn mongona'i boko kojadian nantai.