Markus 8:11 - Porjanjian Boharu Torjomahan Baso Dilakng Soari-ari

¹¹ Lopasnyo boko pomimpitn agama Yahudi doi' kolompok Farisi datakng ko Yesus. Sia' bosoal jawab agatn Sio, ongko honda' mouji Sio. Huatan, sia' minto oca' Yesus mombulah mujisat pakai' mombutian ko sia' obai kuaso-Nyo nantai doi' Allah.

Markus 8:11 ပူးပေါင်းရင်းမြစ်များ

1 Korintus 10:9

Jangan kaitn moncubo'i Kristus, sama'an boboropo doi' sia'. Sia' moncubo'i Kristus sampai Tuhatn mongiripm banya' ular biso pakai' momatu' sia'. Jadi, banya' doi' sia' mati.

Matius 12:38

Lopas nian boboropo guru agama Yahudi huatan boko urakng Farisi bopandir ko Yesus, “Guru, koi honda' moniant Duatn bulah suatu mujisat inyo mombutian Allah moutus Duatn.”

Yohanes 4:48

Kato Yesus ko io, “Kaitn bayo pocayo ko Aku aman kaitn moniant mujisat.”

Lukas 11:16

Apo ado jam boko urakng bukai inyo honda' moncubo'i Yesus. Sia' minto Yesus bulah mujisatpakai' mombutian kuaso-Nyo doi' Allah, bukainyo doi' Rajo Sitatn.

Kisah Boko Rasul 5:9

Jadi, Petrus bopandir ko io, “Kaitn duo udah bosopakat pakai' monipu koi. Agatn bulah sama'an nantai kaitn duo mouji Roh Tuhatn. Ponyangkatn kaitn Roh Tuhatn kinyo tohu mongona'i porbuatan jahat kaitn. Dinga'an! Sia' inyo udah momasar bangkai laki kolai ado di muka' lawakng. Ni'inan, bangkai kolai pan paca'an sia' baba' ko luar!”

Yohanes 7:48

Conyiant ado siku' urakng pan di antaro boko pomimpitn damo urakng Farisi inyo pocayo ko Sio.

Yohanes 6:30

Kato sia' ko Sio, “Tando mujisat la'apo inyo paca'an Duatn pulah oca' koi ulih moniant lalu pocayo ko Duatn? Aman angki-bayatn kito, sia' ulih bopua' manna di padakng pasir. Samo sama'an inyo udah totulis di Buku Suci, ‘Sia' dionji'i-Nyo pomakatn roti doi' sorugo.’ Jadi, tando mujisat la'apo inyo paca'an Duatn korojoan?”

Lukas 10:25

Lopas nian siku' urakng guru Agama Yahudi maju pakai' moncubo Yesus. Io botakutn, “Guru, aku gola' molabuhan la'apo oca' ulih monorima' hidup kokal?”

Markus 12:15

Apo Yesus mongotohu'i sia' inyo pompadah boi'. Ongko Sio bopandir ko sia', “Mapo kaitn moncubo monggogadati Aku? Cubo tiat'an ko Aku sopingka'i duit pira'.”

Markus 2:16

Apo watu boko pomimpitn agama Yahudi doi' kolompok Farisi ongko boko guru agama Yahudi moniant Yesus makatn agatn ponagih pajak ongko boko urakng bodosa. Sia' bopandir ko boko murid Yesus, “Mapo Sio makatn bosamo agatn ponagih pajak ongko boko urakng bodosa?”

Matius 22:23

Timpu ari nantai jam, boboropo pomimpitn agama Yahudi inyo bukai datakng ko Yesus. Sia' doi' kolompok Saduki inyo co pocayo obai urakng paca'an bobali' hidup agi' lopas jadi mati. Jadi, sia' honda' monjebak Yesus agatn potakutan mongona'i nantai. Kato sia',

Matius 22:18

Apo Yesus tohu mo tujuan sia' inyo jahat nantai. Ia'an Sio bopandir, “Kaitn pompadah boi' mo. Mapo kaitn monjebak-Ku?

Matius 22:15

Lopas nian, boko pomimpitn agama Yahudi doi' kolompok Farisi nantai botula'am doi' santai. Sia' bohajat pakai' monakutan sosuatu ko Yesus agatn tujuan oca' sia' ulih monyalahan Yesus.

Matius 21:23

Lopas nantai, Yesus mansu' ko tongahlamanan Rumah Allah lalu mongajar di santai. Watu nantai, boko imam kopala' ongko boko pomimpitn banso Yahudi datakng ko Sio. Kato sia', “La'apo hak Duatn molabuhan nantai somuo? Sopo inyo moonji'i kuaso nantai ko Duatn?”

Matius 19:3

Lalu, ado boboropo pomimpitn agama Yahudi doi' kolompok Farisi, sia' datakng ko Yesus honda' bogoyap caro pakai' monyalahan Sio. Kato sia', “Ulih cado siku' urakng lolaki monyaya' bininyo agatn alasan la'apo pan?”

Yohanes 8:6

(Sia' botakutn ubo nantai pakai' moncubo'i Sio oca' sia' ulih monyalahan Sio socaro hukupm.) Apo Yesus mombungku'an bukakng-tubuh Sio, lalu monulis agatn jari-Nyo di tanah.

Markus 9:16

Yesus botakutn, “La'apo inyo kaitn potikakan?”