Markus 7:9 - Porjanjian Boharu Torjomahan Baso Dilakng Soari-ari

⁹ Yesus bopandir jam, “Kaitn pandai bondar monula' porintah Allah oca' ulih momportahatan poraturan kaitn siku'

Markus 7:9 ပူးပေါင်းရင်းမြစ်များ

Galatia 2:21

Aku co paca'an kalo monula' koboi'an doi' Allah nantai inyo sobondarnyo kito kinyo cucu' monorima'nyo! Kito kinyo ulih dipohitukan bondar dihadapan Allah aman kito bousaha monaati somuo porintah huatan poraturan Allah dalapm Hukupm Torat. Ongkonyo kito ulih dipohitukan bondar agatn caro nantai, boroti Kristus mati kinyo ado rotinyo.

Markus 7:13

Poraturan nantai inyo kaitn torima' doi' angki-bayatn kaitn mombulah oca' Pomandiran Allah co gola' ditaati agi'. Ongko banya' hal bukai inyo sama'an nantai inyo kaitn labuhan.”

Markus 7:3

Obai, boko urakng Farisi samo sama'an somuo urakng Yahudi bukai hala monuruti poraturan angki-bayatn sia'. Sobolupm sia' makatn, sia' hala mombasu'i jari agatn caro totontu.

2 Tesalonika 2:4

Apo sobolupm io dibonasoan, io paca'an molawatn somuo hal inyo monsio anggap sobagai allah huatan somuo hal inyo disombah monsio. Io paca'an momandiran obai io lobih bokuaso doi' somuo allah nantai. Malahan, io paca'an mansu' ko dalapm Rumah Allah. Io paca'an dudu' di santai ongko moaku'i obai io nantai Allah.

Roma 3:31

Aman kito monjadi bondar obai kito pocayo, apobai nantai boroti kito bopikir obai Hukupm Torat kinyo ado gunonyo? Samo sokali cado! Sobali'nyo justru obai kito pocayo, jadi kito monuruti la'apo inyo Allah masud agatn moonju' Hukupm Torat.

Markus 7:5

Obai nantai, boko urakng Farisi ongko boko guru agama Yahudi nantai bopandir ko Yesus, “Mapo boko murid Duatn kinyo monaati poraturan angki-bayatn kito? Sia' kinyo mombasu'i jari sobolupm sia' makatn.”

2 Korintus 11:4

Obai, kaitn siap monorima' urakng inyo datakng mombaba' ajaran inyo salah mongona'i Yesus. Nantai bukainyo doi' ajaran inyo bondar mongona'i Yesus inyo udah koi boritoan ko kaitn komai. Kaitn pan honda' monorima' roh inyo bukainyo doi' Roh Allah inyo udah kaitn torima' komai. Kaitn honda' pocayo ajaran inyo bukai doi' Kabar Boi' inyo udah kaitn pocayo komai.

Galatia 1:14

Aku kotakng rajitn bolajar somuo poraturan agama Yahudi. Aku bolajar nantai lobih doi' somuo urakng Yahudi bukai inyo soumur agatn aku. Aku jam kotakan monaati somuo poraturan doi' angki-bayatn kito nantai.