Markus 7:5 - Porjanjian Boharu Torjomahan Baso Dilakng Soari-ari

⁵ Obai nantai, boko urakng Farisi ongko boko guru agama Yahudi nantai bopandir ko Yesus, “Mapo boko murid Duatn kinyo monaati poraturan angki-bayatn kito? Sia' kinyo mombasu'i jari sobolupm sia' makatn.”

Markus 7:5 ပူးပေါင်းရင်းမြစ်များ

2 Tesalonika 3:6

Boko somadikan, koi mondinga' ado urakng pocayo inyo losa' bokorojo. Sia' co honda' hidup sosuai agatn ajaran inyo koi sampaian ko kaitn. Obai koi ado hak doi' Tuhatn Yesus Kristus, koi monyiuh kaitn: Jangan bokawal agatn boko urakng inyo hidup sama'an nantai.

Kisah Boko Rasul 21:21

Boko urakng Yahudi inyo pocayo di Yerusalem udah mondinga' obai kolai mongajar boko urakng Yahudi inyo monotap di doerah boko banso inyo bukainyo banso Yahudi. Sia' mondinga' jam obai kolai momandiran ko boko urakng Yahudi nantai oca' jangan sonjumpat'an agi' adat-baso kito urakng Yahudi sama'an monyunant boko ana' sia'. Jadi, di si'itn sia' monyangko obai kolai mongajar boko urakng Yahudi oca' co monaati Hukupm Torat agi'.

Galatia 1:14

Aku kotakng rajitn bolajar somuo poraturan agama Yahudi. Aku bolajar nantai lobih doi' somuo urakng Yahudi bukai inyo soumur agatn aku. Aku jam kotakan monaati somuo poraturan doi' angki-bayatn kito nantai.

Kisah Boko Rasul 21:24

Tuyutcam bosamo sia' dalapm upacara inyo bulah sia' borosih agi' socaro rohani. Botula'cam samoan sia' ko tongahlamanan Rumah Allah. Bayaricam ungkus pakai' kurbatn inyo sia' paca'an posombahan ko Allah. Jadi, sia' ulih monota' rambutsobagai tando obai sia' udah bolampah nantai. Watu boko urakng moniant kolai bulah ubo nian, sia' paca'an tohu obai kolai totap mohormati huatan monaati boko porintah Allah inyo ditulis Musa dalapm buku Hukupm Torat. Jadi, sia' paca'an tohu borito mongona'i kolai inyo komai didinga' sia' samo sokali kinyo bondar.

Matius 15:2

“Hibo boko murid kolai kinyo monaati adat baso angki-bayatn kito? Sia' co bobasu' jari sobolupm sia' makatn.”

Roma 4:12

Apo Abrahapm jam monjadi bopai loluhur urakng Yahudi inyo bosunant, inyo moniru caro hidup Abrahapm. Ia'an, sia' inyo kinyo bosunant, apo sia' pocayo samo sama'an Abrahapm pocayo sobolupm io disunant.

2 Tesalonika 3:11

Koi mongatoan somuo ni'in obai koi mondinga' ado urakng pocayo inyo pocalan. Sia' co honda' bogota'-bokorojo. Sia' bayo sibuk sonjumpat'an urusan urakng bukai.

Markus 7:8

Kaitn tuyut poraturan angki-bayatn apo molanggar porintah Allah!”

Markus 7:9

Yesus bopandir jam, “Kaitn pandai bondar monula' porintah Allah oca' ulih momportahatan poraturan kaitn siku'

Markus 7:13

Poraturan nantai inyo kaitn torima' doi' angki-bayatn kaitn mombulah oca' Pomandiran Allah co gola' ditaati agi'. Ongko banya' hal bukai inyo sama'an nantai inyo kaitn labuhan.”