Markus 7:34 - Porjanjian Boharu Torjomahan Baso Dilakng Soari-ari

³⁴ Yesus monongadah ko langit, mongosih panjakng ongko bopandir dalapm baso Yahudi, “Efata!” Rotinyo, “Tobuka'cam!”

Markus 7:34 ပူးပေါင်းရင်းမြစ်များ

Yohanes 11:41

Jadi, boko urakng momindahan batu nantai. Lopas jadi nantai Yesus monongadah ko langit. Kato-Nyo, “Torima' kasih, Bopai, obai Duatn udah mondinga'an Aku.

Markus 6:41

Yesus monguti' lima' pingkai' roti ongko duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, moonju'nyo ko boko murid-Nyo oca' dipombagian ko urakng banya' nantai. Agatn caro inyo samo, Sio mombagian koduo iku' ikatn nantai ko somuo sia'.

Markus 5:41

Yesus moncanggapm longan bobia' nantai. Kato-Nyo, “Talita kum!” (Rotinyo, “Oi bobia' botina', Aku bopandir ko kolai, ‘Huascam!’ ”)

Kisah Boko Rasul 9:34

Petrus bopandir ko io, “Eneas, Yesus Kristus monyamani kolai. Bodiritncam! Gilikngcam kotidu'an kolai.” Timpu nantai jam Eneas bodiritn.

Yohanes 11:33

Maria monangis huatan boko urakng Yahudi inyo datakng bosamo agatn io monangis jam. Pas Yesus moniant nantai, hati-Nyo kotakan salu'.

Markus 15:34

Pas japm tigo babahari, Yesus mondorah kotakng borakng, “Eloi, Eloi, lama sabakhtani?” Rotinyo, “Allah-Ku, Allah-Ku, mapo Duatn moninggalan Aku?”

Markus 8:12

Sio mongoluh dalapm hati-Nyo. Lalu kato-Nyo, “Mapo boko urakng joman ni'in mominto Aku mombulah mujisat? Dinga'anbo! Aku co paca'an mombulah mujisat sama'an di kohonda'i kaitn!”

Kisah Boko Rasul 9:40

Lopas nian, Petrus monyiuh somuo urakng koluar doi' ruakan nantai. Io molota'an kopututnyo ko lantai di sopia' bangkai nantai ongko bodoa. Ongko, io mongilikng bangkai nantai. Katonyo, “Tabita, huascam.” Lansukng Tabita moncolakan matonyo. Io moniant Petrus, ongko huas huatan dudu' tontakng.

Yohanes 11:43

Lopas jadi Yesus bopandir bunyi nantai, Sio moningkau kotakan borakng, “Lazarus, koluarcam!”

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Yohanes 17:1

Lopas jadi Yesus momadahan somuonyo nantai ko boko murid-Nyo, Sio monongadah ko langit, kato-Nyo, “Bopai, udah watunyo am. Muliaancam Ana' Duatn, oca' Aku ulih momuliaan Duatn.

Yohanes 11:38

Yesus kotakan salu' agi', lalu Sio botula' ko pasaran. (Pasaran nantai gua inyo ditutup agatn batu bosar.)

Yohanes 11:35

Lalu, Yesus monangis.

Lukas 19:41

Yesus mongkitn dampikng agatn kota Yerusalem. Watu Sio moniant kota nantai, Sio salu' bondar obai boko urakng di su'utn.

Lukas 18:42

Yesus bopandir, “Aman ubo nian, moniant cam! Kolai nyamanam obai kolai pocayo agatn Aku.”

Lukas 7:14

Lalu Yesus mohampiki pompikulan lancakng bobia' muda' inyo mati nantai, ongko moncama'nyo. Boko urakng inyo momikul lancakng nantai botongga'. Kali sia' udah botongga' Yesus bopandir ko bobia' muda' inyo mati nantai, “Oi bujakng, huas cam!”

Markus 1:41

Yesus mooso kasihan agatnnyo. Sio mouluran longan-Nyo, moncama' urakng nantai, lalu bopandir, “Aku honda'mo. Nyamancam!”

Markus 7:35

Watu nantai jam kolindakan urakng nantai ulih mondinga'am, ongko lidahnyo nyamanam sampai io ulih bopandir am agatn boi'.