Markus 7:24 - Porjanjian Boharu Torjomahan Baso Dilakng Soari-ari

²⁴ Lopas nian, Yesus moninggalan tompat nantai ongko botula' ko doerah Tirus. Di santai, Sio mansu' ko sobuah rumah. Sio co honda' urakng bukai tohu obai Sio ado di santai. Apo nantai co mungkitn obai boko urakng mongotohu'i Sio datakng.

Markus 7:24 ပူးပေါင်းရင်းမြစ်များ

Matius 11:21

“Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Matius 9:28

Timpu Yesus mansu' ko dalapm rumah, koduo urakng buto nantai datakng ko Sio. Yesus botakutn ko sia', “Pocayo cado kaitn aman Aku ulih monyamani kaitn?” Sia' monimbas, “Au, Tuhatn, koi pocayo.”

Markus 2:1

Boboropo ari lopas nantai, Yesus bobali' ko kota Kapernaum. Banya' urakng mondinga' obai Sio ado di rumah nantai

Markus 7:23

Somuo inyo jahat nantai koluar doi' dalapm hati monsio. Nantaiam inyo mombulah boko monsio monjadi campah.”

Markus 7:25

Ado botina' inyo mondinga' mongona'i Yesus di su'utan. Botina' nantai ado ana' botina' inyo dirasu'i roh jahat. Indai bobia' nantai datakng ko Yesus, tundu' monyungkapan di kaki-Nyo,

Markus 7:31

Lopas nian, Yesus moninggalan doerah Tirus. Sio molalu'i Sidon, ongko molintasi doerah Dekapolis, lalu botula' ko Danau Galilea.