Markus 7:21 - Porjanjian Boharu Torjomahan Baso Dilakng Soari-ari

²¹ Obai, banya' pikiran inyo jahat koluar doi' dalapm monsio, ia'an doi' hatinyo. Somuo pikiran jahat nantai mombulah monsio bulah dosa kinyo sonunuh, mongolit, mombunuh,

Markus 7:21 ပူးပေါင်းရင်းမြစ်များ

Matius 15:19

Obai boko pikiran jahat sama'an ni'in boasal doi' hati: pikiran pakai' mombunuh, bomporajoan bulah dosa, mongolit, bulah kotumbukan mongutu' uyakng.

Kisah Boko Rasul 8:22

Jadi gola' kolai tongga'an cam bopikir jahat sama'an nantai. Bodoacam ko Tuhatn oca' kohonda' hati kolai inyo jahat nantai ulih diamputi-Nyo.

Matius 9:4

Apo, Yesus mongotohu'i pikiran sia'. Jadi, Io bopandir, “Pikiran dalapm hati kaitn jahat!

Yakobus 2:4

Aman kaitn molabuhan lou' sama'an nian, rotinyo kaitn bopikir boko urakng totontu lobih boi' daripado urakng bukai. Kaitn monjadi samo sama'an boko hakipm inyo momakai pikiran jahat pakai' monilai urakng.

Lukas 16:15

Apo Yesus bopandir ko sia', “Kaitn bousaha oca' di hadapan urakng bukai kaitn kotiat'annyo boi' huatan hala bondar. Apo Allah tohu isi hati kaitn inyo sobondarnyo jahat. Banyaꞌ hal inyo dirogo'i ulih monsio, kinyo dirogo'i ulih Allah.

Roma 7:8

Apo pas-udah aku tohu porintah nantai, kuaso dosa monguti' kosompatan pakai' bokorojo dalapm hatiku sampai boko kohonda' nantai botambah kuat agi' dalapm hatiku. Obai aman hukupm Torat conyiant jadi dosa pan mati.

Kisah Boko Rasul 5:4

Sobolupm dijual, tanah nantai memang hak umputn kolai. Lopas dijual, hasil nantai kolai totap bohak monontuan caro monggunoannyo. Jadi kolai udah bulah hajat dalapm hati kolai pakai' bulah tumbukan sama'an nantai! Kolai kinyo bayo moncubo monipu monsio, apo monipu Allah jam!”

Roma 7:5

Komai, kito ija' hidup sosuai agatn boko kohonda' kito sobagai monsio. Hukupm Torat morarakng kito bodosa, apo justru nantai inyo mombulah boko kohonda' nantai lobih kuat agi'. Jadi, boko anggota bukakng kito monjumpati boko kohonda' jahat nantai sampai kito bodosa. Akibatnyo, kito soharusnyo dihukupm mati topisah doi' Allah.

Titus 3:3

Komai sobolupm kito pocayo kito co tohu jam caro hidup inyo boi' sama'an sia'. Kito co taat jam agatn Allah. Kito dikotumbuki boko hal inyo jahat. Kohonda' ongko kosonangan di dunia ni'in monguaso'i kito. Kito hala bulah kojahatan ongko hala tungi agatn urakng bukai. Kito bonci' agatn urakng bukai ongko urakng bukai pan bonci' agatn kito.

Markus 7:20

Kato Yesus agi', “Apo inyo koluar doi' hati monsio, nantaiam inyo mombulah boko urakng monjadi campah.

Markus 7:22

bomporajoan agatn inyo bukai doi' bini damo lakinyo, monjadi sorakah, bulah kojahatan, monipu, bulah kinyo sopatn, monjadi tungi-dongki, mohanyam, monjadi buhau, monjadi uyuh diajar.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.