Markus 7:2 - Porjanjian Boharu Torjomahan Baso Dilakng Soari-ari

² Sia' moniant obai boboropo murid-Nyo kinyo mombasu'i jari sobolupm sia' makatn. Monurut Sia', nantai sosuatu inyo campah di hadapan Allah.

Markus 7:2 ပူးပေါင်းရင်းမြစ်များ

Matius 15:2

“Hibo boko murid kolai kinyo monaati adat baso angki-bayatn kito? Sia' co bobasu' jari sobolupm sia' makatn.”

Markus 7:5

Obai nantai, boko urakng Farisi ongko boko guru agama Yahudi nantai bopandir ko Yesus, “Mapo boko murid Duatn kinyo monaati poraturan angki-bayatn kito? Sia' kinyo mombasu'i jari sobolupm sia' makatn.”

Lukas 11:38

Urakng Farisi nantai hiratn moniant Yesus makatn apo kinyo bobasu' jari holu.

Kisah Boko Rasul 10:28

Petrus bopandir ko sia', “Poraturan agama koi urakng Yahudi morarakng urakng Yahudi bokawal agatn urakng inyo bukai Yahudi sama'an kaitn. Koi pan culih usi'an ko tompat urakng inyo bukainyo urakng Yahudi. Kaitn somuo udah tohu nantai. Apo sokomai aku ado poniant'an. Allah monunju'an ko aku oca' jangan moanggap sopo pan purih sampai bopikir urakng nantai kinyo cucu' ditorima' Allah.

Kisah Boko Rasul 11:8

Apo aku bopandir, ‘Cado, Tuhatn! Aku co kalo mua'i dagikng doi' bonatakng sama'an nantai. Boko bonatakng nantai purih.’

Roma 14:14

Obai aku bosatu agatn Tuhatn Yesus, jadi aku tohu obai conyiant ado la'apo pan inyo pomali. Aku yakitn mongona'i nantai. Apo, aman ado urakng inyo bopikir obai ado sosuatu inyo campah, memang bagi io hal nantai pomali.

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.