Markus 6:6 - Porjanjian Boharu Torjomahan Baso Dilakng Soari-ari

⁶ Sio mooso hiratn obai boko urakng di laman-Nyo kinyo pocayo ko Sio. Lalu, Sio bojalatn bokolilikng doi' laman ko laman, mongajar boko urakng di santai.

Markus 6:6 ပူးပေါင်းရင်းမြစ်များ

Matius 9:35

Yesus bokolilikng ko somuo kota ongko desa. Sio mongajar dalapm boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio pan monyamani boko urakng doi' somuo macapm ponyakit.

Matius 8:10

Yesus hiratn mondinga' pomandiran powira nantai. Yesus bopandir ko sia' inyo tuyut Sio. Kato-Nyo, “Dinga'anbo, Aku bolupm kalo monomuan iman sobosar ni'in. Doi' banso-Ku urakng Israel, bolupm kalo ku tomu'i urakng inyo pocayo ko Allah samo sama'an powira Romawi ni'in.

Lukas 13:22

Tongahan dalapm pojalatan monuju ko kota Yerusalem, Yesus molalu'i boko kota huatan boko laman kapikng mongajar mongonaꞌi Koraja'an Allah.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Yohanes 9:30

Kato urakng inyo tontainyo buto nantai, “Aneh bondar ni'in! Kaitn co tohu doi' mono tompat asal-Nyo, sodakan io udah mombulah aku ulih moniant.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Lukas 4:44

Jadi Sio botula' momboritoan Kabar Boi' nantai di dalapm boko rumah sombayakng di doerah Yudea.

Lukas 4:31

Lopas nantai Yesus botula' ko kota Kapernaum di Galilea di santai Sio mongajar boko urakng pas Ari Sabat.

Markus 1:39

Jadi, Sio botula' ko somuo tompat di soluruh propinsi Galilea. Sio monyampaian Kabar Boi' di boko rumah sombayakng sia' ongko monundukng boko roh jahat.

Markus 10:1

Yesus moninggalan tompat nantai, lalu botula' ko doerah Yudea ongko ko doerah di soborakng sungai Yordan. Banya' urakng datakng agi'. Sia' bokumpul di sokolilikng Sio, lalu sama'an biaso Sio mongajar sia' agi'.