Markus 6:41 - Porjanjian Boharu Torjomahan Baso Dilakng Soari-ari

⁴¹ Yesus monguti' lima' pingkai' roti ongko duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, moonju'nyo ko boko murid-Nyo oca' dipombagian ko urakng banya' nantai. Agatn caro inyo samo, Sio mombagian koduo iku' ikatn nantai ko somuo sia'.

Markus 6:41 ပူးပေါင်းရင်းမြစ်များ

Matius 14:19

Lalu Sio monyiuh boko urakng nantai dudu' di pucu' rumput. Lopas nian, Yesus monguti' lima' pingkai' roti agatn duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, dionju'nyo ko boko murid-Nyo oca' di pombagian ko boko urakng banya' nantai.

Markus 7:34

Yesus monongadah ko langit, mongosih panjakng ongko bopandir dalapm baso Yahudi, “Efata!” Rotinyo, “Tobuka'cam!”

Lukas 24:30

Watu Sio dudu' makatn sosamo agatn sia', Sio monguti' roti. Lopas jadi moucap'an doa sukur, Sio momingkai'-mingkai' roti nantai agatn jari-Nyo ongko moonju'nyo ko sia'.

Lukas 9:16

Lopas nian, Yesus monguti' lima' pingkai' roti huatan duo iku' ikatn nantai, monongadah ko langit, moucap'an torima' kasih ko Allah. Ongko Sio momingkai'-mingkai' roti ongko ikatn nantai, moonju'nyo ko boko murid-Nyo oca' dipombagian ko boko urakng banyaꞌ nantai.

1 Korintus 10:31

Apo aku momandiran ni'in: Aman kaitn makatn, damo minum, damo molabuhan la'apo pan, labuhancam somuonyo oca' urakng bukai momuji Allah.

Yohanes 17:1

Lopas jadi Yesus momadahan somuonyo nantai ko boko murid-Nyo, Sio monongadah ko langit, kato-Nyo, “Bopai, udah watunyo am. Muliaancam Ana' Duatn, oca' Aku ulih momuliaan Duatn.

Yohanes 11:41

Jadi, boko urakng momindahan batu nantai. Lopas jadi nantai Yesus monongadah ko langit. Kato-Nyo, “Torima' kasih, Bopai, obai Duatn udah mondinga'an Aku.

Markus 14:22

Watu Yesus ongko boko murid-Nyo tongahan makatn, Yesus monguti' roti lalu moucap'an doa sukur. Sio momingkai'-mingkai' roti nantai ongko moonju' ko boko murid-Nyo. Kato Sio, “Kuti', pua'icam, ninam bukakng-tubuh-Ku.”

Kolose 3:17

Nanam, somuo inyo kaitn labuhan, somuo inyo kaitn pandiran, kaitn gola' molabuhan somuonyo nantai agatn kuaso Yesus, Tuhatn kito. Labuhancam somuonyo kapikng bosukur ko Allah Bopai kito molalu'i Yesus sobagai porontaro.

Roma 14:6

Urakng inyo bopikir ado ari totontu inyo lobih pontikng, io molabuhan nantai pakai' mohormati Tuhatn. Urakng inyo bopua' la'apo ja', io molabuhan nantai pakai' mohormati Tuhatn obai io bosukur ko Allah. Urakng inyo bayo bopua' pomakatn inyo totontu, io molabuhan nantai pakai' mohormati Tuhatn. Io pan bosukur ko Allah.

Yohanes 6:23

Lopas nantai ado boboropo porohu inyo datakng doi' kota Tiberias. Boko porohu nantai datakng ko dampikng tompat Tuhatn Yesus moonji'i roti ko boko urakng banya' somamannyo lopas jadi Sio moucap'an torima' kasih ko Allah.

Yohanes 6:11

Yesus monguti' roti nantai, moucap'an torima' kasih ko Allah, lalu mombagi-bagiannyo ko somuo urakng inyo dudu' di siatn tai. Ubo nian jam, Sio mombagi-bagian ikatn nantai. Somuo sia' makatn sampai konyang.

Matius 26:26

Pas sia' tongahan makatn, Yesus moncanggapm roti lalu moucap'an doa sukur. Sio momingkai'-mingkai' roti lalu moonju'nyo ko boko murid-Nyo. Kato-Nyo, “Kuti'cam, makatncam, ninam bukakng-Ku.”

Matius 15:36

Lopas nian, Yesus monguti' tujuh pingkai' roti ongko boboropo ikatn nantai lalu moucap'an torima' kasih ko Allah. Sio momingkai'-mingkai' roti ongko ikatn nantai, lalu dionju'nyo ko boko muridnyo oca' dipombagian ko boko urakng banya' nantai.

Kisah Boko Rasul 27:35

Lopas jadi io bopandir nantai, io monguti' roti ongko botorima' kasih ko Allah di hadapan somuo urakng. Io momingkai'-mingkai' roti nantai, ongko mula'i momua'inyo.

Markus 6:40

Boko urakng nantai pan dudu' bokolompok-kolompok. Ado kolompok agatn lima' puluh urakng. Ado jam soratus urakng.

Markus 6:42

Somuo sia' makatn sampai konyang.

Markus 8:19

Aku moonji'i pomakatn pakai' urakng lima' ribu bayo agatn lima' pingkai' rotimo. Timpu kaitn mongumpulan kolobihannyo, boropo kobudu' inyo bisi?” Timbas sia', “Duo bolas kobudu'.”