Markus 6:14 - Porjanjian Boharu Torjomahan Baso Dilakng Soari-ari

¹⁴ Timpu nantai, Rajo Herodes momorintah di propinsi Galilea. Sio mondinga' boko borito mongona'i Yesus obai damo Yesus monjadi tokonal di soluruh doerah nantai. Ado urakng inyo bopandir, “Yesus nam Yohanes Pombaptis inyo udah hidup agi'. Nantai am sobabnyo Sio ado kuaso pakai' mombulah mujisat.”

Markus 6:14 ပူးပေါင်းရင်းမြစ်များ

1 Tesalonika 1:8

Kabar Boi' mongona'i Tuhatn Yesus tosebar doi' kaitn ko urakng di propinsi Makedonia huatan Akhaya. Apo kinyo bayo sampai di su'utn. Watu ni'in, boko urakng di mono-mono mondinga' obai kaitn pocayo ko Allah. Obai nantai, watu koi mondataki boko tompat bukai, koi kinyo gola' mongisahan mongona'i kaitn.

Lukas 13:31

Timpu nian jam, ado boboropo urakng Farisi datakng ko Yesus. Sia' bopandir, “Jangan bodiapm di si'itn obai Herodes honda' mombunuh Duatn! Lobih boi' botula' cam ko tompat bukai.”

Lukas 3:1

Ado Kaisar inyo bodamoan Tiberius, rajo inyo kotakan bokuaso di Roma. Di tohutn ko lima' bolas watu io momorintah, ado boko pojabat di babahnyo inyo momorintah di boko doerah di nogori Israel. Pontius Pilatus monjadi gubernur di doerah Yudea; Herodes momorintah di doerah Galilea, somadikan Herodes damonyo Filipus momorintah di doerah Iturea huatan Trakhonitis. Lisanias momorintah di doerah Abilene.

Markus 8:28

Timbas sia', “Ado inyo bopandir Duatn nantai Yohanes Pombaptis. Ado jam inyo bopandir Duatn ia'an nabi Elia. Kondua'annyo bopandir Duatn nantai salah siku' nabi doi' joman komai.”

Markus 1:45

Apo, urakng nantai botula' kinyo botongga' momboritoan kojadian nantai di mono-mono. Obai nantai, Yesus culih mansu' ko dalapm kota agi' socaro torakng-torakan. Sio gola' diapm di luar di tompat inyo langunt. Apo, urakng torus bodatakan ko Sio doi' mono-mono.

Markus 1:28

Jadi kabar mongona'i Yesus copat toborito di soluruh doerah Galilea nantai.

Matius 9:31

Apo sia' botula' mongisahan mongona'i Yesus di somuo doerah nantai.

Lukas 9:19

Timbas sia', “Ado inyo bopandir Duatn nantai Yohanes Pombaptis. Ado jam inyo bopandir Nabi Elia. Ado urakng bukai inyo bopandir salah siku' nabi bukainyo doi' joman komai inyo udah bobali' hidup agi'.”

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.

Lukas 7:17

Borito mongonaꞌi la'apo inyo dipulah Yesus nantai todinga' di soluruh doerah Yudea ongko sokolitarnyo.