Markus 6:11 - Porjanjian Boharu Torjomahan Baso Dilakng Soari-ari

¹¹ Apo aman kaitn kinyo ditorima' boko urakng di sobuah laman, aman sia' co honda' mondinga'an kaitn, koluar ja'am doi' laman nantai. Tata'an dobu doi' kaki kaitn pakai' momporingant'i sia'.”

Markus 6:11 ပူးပေါင်းရင်းမြစ်များ

Kisah Boko Rasul 18:6

Apo boko urakng Yahudi nantai molawatn huatan mohayam Paulus. Jadi, io mongibasan dobu doi' pakai'annyo pakai' tando poringant'an. Kato Paulus ko sia', “Aku udah botanggukng jawab momboritoan Kabar Boi' ko kaitn somuo. Apo kaitn totap co pocayo agatn Yesus. Nononyo aman kaitn dihukupm Allah, nantai kosalahan kaitn siku'. Aku co botanggukng jawab agi'. Jadi, mula'i watu ni'in, aku paca'an botula' momboritoan Kabar Boi' ko boko banso inyo bukainyo banso Yahudi.”

Yudas 1:7

Boko urakng di kota Sodom ongko Gomora huatan boko kota di sokitarnyo sama'an nantai jam. Sia' bulah pomporajoan. Sia' momuasan boko kohonda' bukakng-tubuh inyo kinyo wajar. Jadi, sia' dihukupm, ija' disiksa agatn api inyo kinyo tohu puja' somanah-manahnyo. Kojadian nantai monjadi poringant'an pakai' somuo urakng.

1 Yohanes 4:17

Agatn ubo ni'inan kito paca'an tohu aman kito bondar-bondar ado kasih Allah di dalapm hati kito: Ia'an nantai aman kito co gola'an Ari Ponghakipan nononyo. Kito jangan gola'am obai di dunia ni'in kito hidup agatn caro inyo samo sama'an Kristus.

2 Petrus 3:7

Apo, Allah mongombolo langit ongko bumi inyo ado watu ni'in agatn Pomandiran-Nyo jam. Sio mongombolo somuonyo nantai sampai watu Sio mohukupmnyo agatn api, ongko mombonasoan boko urakng inyo kinyo taat ko Sio.

2 Petrus 2:9

Obai Tuhatn udah molabuhan somuonyo nantai, jadi udah jolas Sio tohu caronyo monyolamant'an boko urakng bondar doi' ajab sonsaro di antaro boko urakng jahat. Tuhatn jam tohu caronyo mohukupm boko urakng jahat sampai hukupan toahir timpu ari Ponghakipan nononyo,

2 Petrus 2:6

Allah jam mohukupm kota Sodom huatan Gomora. Sio momusnahan boko kota nantai agatn api sampai monjadi habu. Agatn sama'an nian, Allah moonji'i poringant'an ko boko urakng inyo molawatn-Nyo di joman nononyo.

Roma 2:16

Nononyo hal nantai monjadi kotiat'an. Ia'an, timpu Allah molalu'i Kristus Yesus pakai' mohakipi somuo hal inyo tosimpatn dalapm hati monsio. Nantai sosuai agatn Kabar Boi' inyo aku boritoan.

Roma 2:5

Apo kaitn tikakan. Hati kaitn kinyo honda' borubah. Obai nantaiam, kaitn siku' mombulah hukupan kaitn botambah lobih borat agi'. Nantai tojadi timpu ari Kiamant nononyo watu Allah monyatoan Sio kotakan godi tohadap dosa, ongko mohukupm urakng agatn adil.

Lukas 9:5

Apo aman kaitn ditula' boko urakng disobuah kota, koluar ja'am doi' kota nian. Borosihi jam dobu doi' tampo kaki kaitn. Nian pakai' momporingant'i sia' inyo tajahan dihukupm Allah, obai monula' posatn mongonaꞌi Koraja'an Allah inyo kaitn sampaian.”

Matius 12:36

Jadi, dinga'anbo ni'in: Timpu Ari Ponghakipan Allah nononyo, sotiap urakng gola' botanggukng jawab agatn sotiap pomandiran inyo kalo dipandirannyo agatn sombarakan.

Markus 6:10

Sio pan bopandir ko sia', “Timpu kaitn mansu' ko rumah urakng, noluntukng ja'am di siatan sampai kaitn moninggalan kota nantai.