Markus 5:24 - Porjanjian Boharu Torjomahan Baso Dilakng Soari-ari

²⁴ Lalu, Yesus botula' bosamo agatn Yairus, banya' urakng tuyut Sio. Sia' bosonsongka'an di sokolilikng Yesus.

Markus 5:24 ပူးပေါင်းရင်းမြစ်များ

Markus 5:31

Timbas boko murid-Nyo, “Duatn tiat am ado banya' bondar urakng inyo dampikng bosonsongka'an agatn Duatn. Mapo Duatn ija' botakutn, ‘Sopo inyo moncama' Aku?’ ”

Lukas 7:6

Yesus botula' sosamo agatn sia' ko rumah powira tontara nantai. Apo kali sia' hampikng am ko rumah powira tontara nantai, powira tontara nantai monyiuh boko pokawalannyo monomu'i Yesus pakai' monyampaian posatn agi' ko Sio, “Duatn pompadohan nam datakam ko rumahku, obai aku kinyo patut Duatn dataki.

Markus 3:20

Yesus pulakng ko rumah. Apo banya' urakng datakng agi' bokumpul di santai. Jadi, Yesus ongko boko murid-Nyo co sampat makatn.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Lukas 19:3

Timpu Yesus bojalatn molalu'i kota nantai, Zakheus bousaha honda' moniant Sio. Apo co ulihnyo obai boko urakng kotakan banya', apotolagi' obai io nantai urakngnyo panda'.

Lukas 12:1

Timpu Yesus botula' doi' rumah urakng Farisi nantai, banyaꞌ bondar urakng bokumpul. Obai sia' kotakng banyaꞌ sampai ado inyo totonja'an kaki siku'-monyiku' obai honda' mondingaꞌ Yesus mongajar. Yesus lobih doholu bopandir ko boko murid-Nyo, “Jagocam diri kaitn oca' co monjadi urakng pompadah boi' samaꞌan pomimpitn agama doi' kolompok Farisi. Kotiat'annyo sia' molayati Allah, apo sobondarnyo cado. Kojahatan sia' mongkitn banyaꞌ, mompongaruhi urakng bukai samaꞌan ragi bulah roti mongkitn mongombakng.

Lukas 8:45

Yesus botakutn, “Sopo inyo moncama' Aku?” Nyiant siku' pan inyo moaku'inyo. Ongko Petrus bopandir, “Guru, ado kotakan banyaꞌ boko urakng inyo mongorumuni Duatn. Sopo pan ulih moncama' Duatn.”

Markus 5:23

Io muhun bondar ko Yesus. Katonyo, “Bopai, ana' botina'ku boponyakit, hampir matiam. Tulukng dataki, cama'nyo oca' io nyamanam ongko kinyo mati.”

Markus 5:25

Di antaronyo ado botina' inyo sakit pondarahan. Udah duo bolas tohutn manahnyo ponyakit io nantai.

Lukas 11:29

Watu boko urakng mongkitn banya' datakng ko tompat Yesus mongajar, Sio bopandir, “Kotakng jahat bondar boko urakng joman ni'in. Sia' monuntut Aku oca' bulah koajaiban inyo mombutian Allah moutus Aku. Apo sobuti' mo buti inyo paca'an Ku onju' ko sia', ia'an koajaiban Nabi Yunus.