Markus 5:17 - Porjanjian Boharu Torjomahan Baso Dilakng Soari-ari

¹⁷ Jadi, somuo urakng doi' doerah nantai monyosahan Yesus oca' Sio moninggalan doerah sia'.

Markus 5:17 ပူးပေါင်းရင်းမြစ်များ

Matius 8:34

Ongko, soluruh pondudu' kota koluar pakai' monomu'i Yesus. Sia' momuhun oca' Sio moninggalan doerah sia'.

Markus 1:24

“Ih! Yesus, urakng doi' laman Nazaret, Duatn honda' bulah lapo agatn koi? Aku tohu Duatn Inyo Suci doi' Allah! Kata'an Duatn datakng pakai' mombonasoan koi ni'in bai?”

Kisah Boko Rasul 16:39

Jadi, boko pojabat nantai datakng ongko momuhun maap ko Paulus ongko Silas. Lopas nantai, sia' moonju'an Paulus ongko Silas ko luar ponjara nantai. Sia' mominto oca' sia' duo moninggalan kota nantai.

Lukas 8:37

Lalu boko pondudu' doerah Gerasa mominto Yesus moninggalan sia', obai sia' kotakng gola'. Ongko, jumpat am Yesus ko dalapm porohu sosamo boko murid-Nyo pakai' botula' bobali' ko soborakng danau.

Lukas 5:8

Somuo nolayatn di santai hiratn obai banya' bondar sia' bulih ikatn. Ado di antaronyo kawal Simon di santai bodamoan Yakobus agatn Yohanes, poana'an Zebedeus. Moniant kuaso Yesus doi' Allah, Simon mooso kinyo cucu'. Io lansukng tundu' dihadapan Yesus. Kato io, “Jouhan diri Duatn doi' si'itn! Tinggalan aku obai aku urakng bodosa.” Apo Yesus bopandir ko io, “Jangan gola'. Sokomai kolai ponjalo ikatn, apo mula'i ari ni'in jam kolai Ku jadian ponjalo monsio pakai' jadi murid-Ku.”

Markus 5:7

Yesus bopandir, “Oi, roh jahat! Koluar doi' urakng ni'in!” Jadi, roh jahat nantai mondorah kotakan borakng, “Oi Yesus, Ana' Allah Inyo Maho Tinggi! Duatn honda' bulah lapo agatn aku? Aku muhun jangan monyisa aku!”