Markus 4:8 - Porjanjian Boharu Torjomahan Baso Dilakng Soari-ari

⁸ Apo ado bonih inyo jatu' di tanah inyo subur. Boko tontanaman doi' bonih nantai lantakng agatn boi', mohasilan banya' buah. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Markus 4:8 ပူးပေါင်းရင်းမြစ်များ

Yohanes 15:5

Aku ninam kondukng anggur. Kaitn nam samo sama'an dahatnnyo. Urakng gola' totap bosatu agatn Aku, lalu Aku paca'an bosatu agatn io. Aman ubo nian, io paca'an bobuah lobat. Obai, aman kaitn co bosatu agatn Aku, jadi kaitn culih bulah la'apo pan inyo boi'.

Kolose 1:6

inyo udah disampaian ko kaitn. Kabar Boi' nantai tongahan diboritoan di mono-mono sampai bokombakng huatan bobuah. Sama'an nantaiam jam inyo tojadi di antaro kaitn, doi' watu kaitn mondinga' Kabar Boi' nantai lalu mongoroti koboi'an Allah inyo sobondarnyo.

Markus 4:20

Apo, tanah inyo subur monggambaran boko urakng inyo mondinga'an lalu kuat pocayo agatn Pomandiran Allah nantai. Obai nantai, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.

Matius 13:8

Apo ado jam bonih inyo jatu' di tanah inyo subur. Boko tontanaman doi' bonih nantai mohasilan banya' buah. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Filipi 1:11

Hidup kaitn tajahan molimpah agatn porbuatan inyo bondar-bondar boi' inyo ongkah ulih dihasilan Yesus Kristus. Jadi Allah tajahan dipuji ongko dimuliaan.

Yohanes 7:17

Somuo urakng inyo honda' molabuhan kohonda' Allah, sia' paca'an tohu aman ajaran-Ku ni'in bondar-bondar doi' Allah, kata'an bayo doi' diri-Ku siku'.

Lukas 8:15

Apo ado boko urakng inyo monorima' pomandiran Allah sia' samo sama'an bonih inyo jatu' di tanah inyo boi'. Sia' mondinga'annyo, huatan monyimpatnnyo dalapm hati inyo boi' ongko jujur. Sia' botahatn, ongko hala molabuhan porbuatan inyo monyonangan Allah. Samo ubo tontanaman di tanah inyo boi' mohasilan buah inyo boi' jam.”

Lukas 8:8

Apo ado jam bonih inyo jatu' di tanah inyo boi', tumbuh boi', mohasilan soratus kali lipat.” Lopas jadi bokisah, Yesus bopandir agatn saro borakng, “Aman honda' mongoroti, pondinga'an boboi'!”

Matius 13:23

Apo ado boko urakng monorima' Pomandiran Allah samo sama'an tanah inyo subur. Sia' mondinga'mo, lalu mongorotimo. Obai nantaiam, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Markus 4:7

Ado bonih inyo bukai jatu' di tongah rado momant. Rado momant nantai mongkitn bosar ongko mongopih bonih nantai sampai konti' ongko kinyo bobuah.

Markus 4:9

Lopas jadi mongisahan poumpamoan nantai, Yesus bopandir, “Sopo bokolindakan pakai' mondinga', io gola' mondinga'an ajaran ni'in!”

Efesus 2:21

Sio mombulah somuo bagian rumah nantai, ia'an kito inyo bobeda, huatan monjadi tosusutn rapi sampai rumah nantai monjadi mongkitn bosar. Rumah nantai monjadi Rumah Allah inyo husus pakai' Tuhatn.