Markus 4:21 - Porjanjian Boharu Torjomahan Baso Dilakng Soari-ari

²¹ Yesus pan bopandir, “Aman ado urakng inyo mohidupan lampu, io kinyo monungkau'inyo agatn roga' bodamo molota'annyo di babah tompat kotidu'an. Apo io molota'an lampu nantai di pucu' meja oca' ruakan nantai torakng.

Markus 4:21 ပူးပေါင်းရင်းမြစ်များ

Matius 5:15

Damo samo sama'an pompolitoan. Aman ado urakng inyo monokil pompolitoan, io kinyo monungkau'inyo agatn roga'. Sobali'nyo, io molota'annyo di tompat tobuka' oca' monoraki somuo urakng di dalapm rumah nian.

Lukas 11:33

Yesus molajuan pongajaran-Nyo. Kato-Nyo, “Aman ado urakng inyo monokil pompolitoan, io kinyo moombakannyo damo monungkau'inyo agatn roga'. Sobali'nyo io molota'an pompolitoan nantai di tompat tobuka' oca' somuo urakng inyo mansu' ko dalapm rumah ulih moniant torakngnyo.

Lukas 8:16

“Co nyiant urakng inyo monokil pompolitoan lalu monungkau'inyo agatn roga', damo molota'annyo di babah kotidu'an. Apo io moangga'an di pucu' meja oca' somuo urakng inyo mansu' ko dalapm rumah ulih moniant cohayonyo.

1 Korintus 12:7

Allah moonji'i komampuan husus ko masikng-masikng kito. Nantai mombutian obai Roh-Nyo bokorojo di dalapm masikng-masikng urakng inyo pocayo. Apo somuo komampuan husus nantai dionji'i pakai' kountukan bosamo.