Markus 4:17 - Porjanjian Boharu Torjomahan Baso Dilakng Soari-ari

¹⁷ Apo sia' bayo pocayo kotakng oca' mo obai kinyo boakar. Aman sia' mohadapi pondorita'an damo disiksa obai sia' pocayo Pomandiran Allah, jadi sia' co honda' pocayo agi'.

Markus 4:17 ပူးပေါင်းရင်းမြစ်များ

Matius 11:6

Diborokati urakng inyo co monula' Aku!”

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

Matius 12:31

Jadi, dinga'anbo: Sotiap urakng inyo bodosa damo mohayam, urakng nantai ulih diamputi. Apo urakng inyo mohayam tohadap Roh Allah, urakng nantai kinyo paca'an diamputi.

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.

Ibrani 10:29

Jadi, urakng inyo kinyo morogo'i Ana' Allah cucu' dihukupm lobih borat agi'. Urakng nantai moremehan darah Yesus inyo mombulah io monjadi borosih doi' dosanyo, ia'an darah Yesus inyo monsahan pojanjian boharu doi' Allah. Urakng nantai mohayam Roh Allah inyo monunju'an kasih karunia.

2 Timotius 4:16

Potamo kali aku mombela diri di pongadilan, co nyiant siku' urakng pan inyo monulukng aku. Somuonyo udah moninggalanku. Aku bodoa oca' Tuhatn moamputi sia' nantai.

2 Timotius 1:15

Kolai udah mongotohu'i obai banya' urakng inyo pocayo di propinsi Asia udah monula' aku, tomansu' Figelus huatan Hermogenes.

Yohanes 8:31

Lalu, Yesus bopandir ko boko urakng Yahudi inyo udah pocayo ko Sio. Kato-Nyo, “Aman kaitn sotia monuruti ajaran-Ku, boroti kaitn bondar-bondar murid-Ku.

Lukas 12:10

Sotiap urakng inyo mongatoan sosuatu inyo molawatn Ana' monsio urakng nantai ulih diamputi. Apo sotiap urakng inyo mohayam mongatoan sosuatu inyo molawatn Roh Allah, urakng nantai kinyo paca'an ulih diamputi.

Matius 13:21

Apo sia' bayo pocayo sobontar mo obai co bourat. Aman sia' mohadapi pondorita'an huatan didorako'i obai sia' pocayo pomandiran Allah, lalu sia' co honda' pocayo Pomandiran Allah agi'.

2 Timotius 4:10

obai Kreskes udah botula' ko propinsi Galatia. Titus botula' ko propinsi Dalmatia. Demas pan botula' ko kota Tesalonika. Apo Demas moninggalan aku obai io kotakng kidah agatn boko kosonangan di dunia ni'in.

Galatia 6:12

Ado boko urakng inyo honda' mompangkakan kohebatan diri siku' dalapm boko hal inyo kotiat'an. Sia' nantaiam inyo bousaha momoso kaitn pakai' bosunant oca' kaitn ulih disolamant'an, bukainyo bayo obai Kristus mati di kayu salib. Sia' molabuhan nantai oca' sia' kinyo didorako'i boko urakng yahudi.

Markus 4:16

Tanah inyo rado batu nantai tontai monggambaran boko urakng inyo mondinga' Pomandiran Allah, copat monorima'nyo agatn sonang.

Markus 4:18

Tanah inyo rado momant monggambaran boko urakng inyo mondinga'an Pomandiran Allah,