Markus 4:11 - Porjanjian Boharu Torjomahan Baso Dilakng Soari-ari

¹¹ Jadi, Yesus monjolasan ko sia'. Kato-Nyo, “Kaitn udah dipadahi mongona'i Koraja'an Allah inyo bolupm dikotohu'i urakng bukai. Apo, ko boko urakng di luar, Aku mongajar bomacapm agatn momakai poumpamoan.

Markus 4:11 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Lukas 8:10

Timbas Yesus, “Ko kaitn udah dionji'i komampuan pakai' mongoroti mongonaꞌi Koraja'an Allah inyo bolupm dikotohu'i urakng bukai. Apo ko boko urakng bukai, Aku mongajar agatn poumpamoan, oca' biar pan sia' borotian apo co bondar-bondar moniant, sia' mondingaꞌ apo sia' co mongoroti.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

1 Tesalonika 4:12

Jadi, kaitn kinyo paca'an hidup bogantukng ko urakng bukai. Aman kaitn hidup agatn caro sama'an nantai, boko urakng inyo bolupm pocayo ko Yesus paca'an mohormati kaitn.

Kolose 4:5

Kaitn gola' hidup agatn somuo kopintar-corodi'an tohadap boko urakng inyo bolupm pocayo ko Yesus. Pakaicam sotiap kosompatan inyo ado pakai' molabuhan nantai.

1 Timotius 3:7

Siku' urakng ponotua' pan gola' di konal sobagai urakng boi' di antaro boko urakng inyo bolupm pocayo ko Yesus. Aman io co dikonal sobagai urakng boi', boko urakng paca'an mohayam io. Aman io dihayam, nantai samo sama'an Rajo Sitatn momasakng joyat pakai' io. Mungkitn nononyo io paca'an kona' joyat nantai. Rotinyo, mungkitn io paca'an bulah dosa.

Efesus 1:9

Obai Allah udah momandiran ko kito roncana-Nyo, inyo komai kinyo dikotohu'i monsio. Doi' mulonyo, Allah udah monontuan obai roncana-Nyo paca'an dilabuhan molalu'i Kristus. Roncana-Nyo nantai sosuai agatn kohonda'-Nyo huatan monyonangan hati-Nyo.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

Matius 16:17

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.

Matius 13:16

“Apo kaitn boko murid-ku diborokati. Obai kaitn bobondar moniant huatan bobondar mondinga'.

1 Korintus 4:7

Co nyiant urakng di antaro kaitn inyo lobih pontikng daripado urakng bukai. Somuo inyo umputn kaitn dionju' Allah. Jadi jangan kaitn buhau ubonyo pongulihan kaitn siku' mo bukainyo doi' Tuhatn.

Markus 3:23

Apo Yesus moningkau sia', lalu bopandir ko sia' agatn momakai boboropo poumpamoan. Kato-Nyo, “Co mungkitn rajo sitatn monundukng rajo sitatn inyo bukai!

Markus 4:2

Yesus mongajar banya' hal ko sia' agatn momakai poumpamoan. Dalapm ajaran-Nyo, Sio bopandir,

Markus 4:10

Pas Yesus sonsiku'an, koduo bolas rasul-Nyo ongko boko murid-Nyo inyo bukai botakutn mongona'i poumpamoan nantai.