Markus 3:8 - Porjanjian Boharu Torjomahan Baso Dilakng Soari-ari

⁸ doi' kota Yerusalem, doi' doerah Idumea, doi' sopia' timur sungai Yordan, doi' doerah sokitar kota Tirus ongko Sidon. Somuo sia' datakng ko Yesus obai sia' mondinga' mongona'i somuo inyo udah Sio labuhan.

Markus 3:8 ပူးပေါင်းရင်းမြစ်များ

Matius 11:21

“Allah paca'an mohukupm kaitn urakng kota Khorazim ongko urakng kota Betsaida. Aku udah molabuhan banya' mujisat di tongah-tongah kaitn. Soumpamonyo, Aku bulah boko mujisat nantai di kota Tirus ongko Sidon, pasti boko urakng di su'utn udah botongga' bulah dosa. Pasti sia' udah momakai pakai'an bulikng-undu' ongko mongguguran habu di pucu' kopala' sia' pakai' monunju'an sia' bulikng obai dosanyo.

Markus 7:24

Lopas nian, Yesus moninggalan tompat nantai ongko botula' ko doerah Tirus. Di santai, Sio mansu' ko sobuah rumah. Sio co honda' urakng bukai tohu obai Sio ado di santai. Apo nantai co mungkitn obai boko urakng mongotohu'i Sio datakng.

Markus 7:31

Lopas nian, Yesus moninggalan doerah Tirus. Sio molalu'i Sidon, ongko molintasi doerah Dekapolis, lalu botula' ko Danau Galilea.

Matius 4:25

Jadi, banya' urakng tuyut Sio. Ado inyo boasal doi' doerah Galilea, doi' doerah sopuluh kota inyo disobut Dekapolis, doi' doerah Yudea, tomansu' kota Yerusalem, agatn doi' doerah soborakng sungai Yordan.

Lukas 6:17

Lopas nantai, Yesus turutn doi' bukit sosamo agatn boko Rasul-Nyo. Datakng ko kontanjukan sia' botongga'. Di santai udah bokumpul boko murid-Nyo huatan banyaꞌ urakng bukainyo doi' soluruh doerah Yudea, tomansu' doi' Yerusalem, ongko doi' boko kota Tirus huatan Sidon di pantai lout.