Markus 3:7 - Porjanjian Boharu Torjomahan Baso Dilakng Soari-ari

⁷ Yesus ongko boko murid-Nyo moninggalan tompat nantai ongko botula' ko danau Galilea. Banya' urakng doi' propinsi Galilea tuyut sia'. Ado jam urakng doi' propinsi Yudea,

Markus 3:7 ပူးပေါင်းရင်းမြစ်များ

Lukas 6:17

Lopas nantai, Yesus turutn doi' bukit sosamo agatn boko Rasul-Nyo. Datakng ko kontanjukan sia' botongga'. Di santai udah bokumpul boko murid-Nyo huatan banyaꞌ urakng bukainyo doi' soluruh doerah Yudea, tomansu' doi' Yerusalem, ongko doi' boko kota Tirus huatan Sidon di pantai lout.

Matius 4:25

Jadi, banya' urakng tuyut Sio. Ado inyo boasal doi' doerah Galilea, doi' doerah sopuluh kota inyo disobut Dekapolis, doi' doerah Yudea, tomansu' kota Yerusalem, agatn doi' doerah soborakng sungai Yordan.

Matius 12:15

Apo Yesus mongotohu'i gogadatn boko urakng Farisi nantai. Jadi, Sio botula' doi' su'utn. Banya' urakng tuyut Sio, huatan Sio monyamani somuo sia'.

Lukas 23:5

Apo boko pomimpitn urakng Yahudi hala nyosahan. Kato sia', “Sio mohasut boko urakng pakai' momborontak. Niannam pongajaran-Nyo di soluruh tanah urakng Yahudi. Sio mula'i doi' doerah Galilea, sampai ko kota Yerusalem ni'in!”

Lukas 6:12

Timpu nantai, Yesus botula' ko bukit pakai' bodoa. Somalapm tumbas Sio bodoa ko Allah.

Markus 1:39

Jadi, Sio botula' ko somuo tompat di soluruh propinsi Galilea. Sio monyampaian Kabar Boi' di boko rumah sombayakng sia' ongko monundukng boko roh jahat.

Matius 10:23

Aman kaitn didorako'i di sobuah kota, raricam ko kota inyo bukai. Dinga'anbo! Kaitn co paca'an jadi mondataki somuo kota di tanah Israel nantai sobolupm Ana' Monsio datakng.

Kisah Boko Rasul 17:14

Obai nantai, boko urakng pocayo di su'utn hagar moonju'an Paulus ko doerah pantai lout. Apo Silas ongko Timotius totap tinggal di Berea.

Kisah Boko Rasul 17:10

Pado malapm nantai, boko somadikan di santai hagar monyiuh Paulus ongko Silas botula' ko kota Berea. Di su'utn, sia' duo botula' ko rumah sombayakng urakng Yahudi.

Yohanes 7:52

Timbas sia', “Kata'an kolai ni'in doi' Galilea jam? Poriso'icam Buku Suci. Kolai paca'an tohu obai conyiant nabi inyo datakng doi' doerah Galilea!”

Yohanes 7:41

Inyo bukai bopandir, “Pasti Sio ni'inan Kristus, Rajo Inyo Dijanjian Allah!” Apo inyo bukai agi' bopandir, “Bukai! Kristus nantai kinyo datakng doi' Galilea.

Matius 12:16

Apo Sio morarakng sia' momadahan mongona'i sopo Sio.

Markus 1:45

Apo, urakng nantai botula' kinyo botongga' momboritoan kojadian nantai di mono-mono. Obai nantai, Yesus culih mansu' ko dalapm kota agi' socaro torakng-torakan. Sio gola' diapm di luar di tompat inyo langunt. Apo, urakng torus bodatakan ko Sio doi' mono-mono.

Markus 3:20

Yesus pulakng ko rumah. Apo banya' urakng datakng agi' bokumpul di santai. Jadi, Yesus ongko boko murid-Nyo co sampat makatn.

Markus 4:1

Yesus mongajar agi' di pinggir danau. Banya' bondar urakng datakng sampai bosonsongka'an mongorumuni Sio. Jadi, Sio jumpat porohu inyo ado di danau nantai. Sio dudu' kapikng mongajar urakng banya' inyo ado di pantai.