Markus 3:5 - Porjanjian Boharu Torjomahan Baso Dilakng Soari-ari

⁵ Yesus salu' obai sia' korikng hati. Agatn godi, Sio borotian ko sokolilikng boko urakng di santai. Lalu, kato-Nyo ko urakng inyo longannyo mati sopia'an, “Codakan longan kolai!” Pas urakng nantai monyodakan longannyo, longannyo nyamanam.

Markus 3:5 ပူးပေါင်းရင်းမြစ်များ

Matius 12:13

Ongko, kato Sio ko urakng inyo longannyo mati sopia' nantai, “Uluran longan kolai!” Timpu urakng nantai mouluran longannyo, io nyamanam. Longannyo monjadi sehat samo agatn longan inyo sopia'nyo.

Markus 3:4

Lalu, Yesus bopandir ko sia', “Lapo inyo ulih kito labuhan watu ari Sabat, bulah koboi'an kata'an bulah kojahatan; monyolamant'an urakng kata'an mombunuhnyo?” Apo sia' langunt mo.

Lukas 13:15

Lalu Tuhatn Yesus bopandir ko io huatan somuo urakng inyo bopikir samo samaꞌan io, “Kaitn boko urakng inyo pompadah boi', apo sobondarnyo jahat! Sotiap ari, tomansu' Ari Sabat, kaitn molopasan sapi damo koledai doi' kandakannyo, mombaba'nyo ko luar oca' sia' ulih minum ara'i. Nantai pan pokoroja'an jam.

Lukas 17:14

Timpu Yesus moniant sia', Sio bopandir, “Botula'cam ko boko imam oca' sia' ulih momastian aman kaitn dinyamani ongko ulih dianggap borosih agi'.” Mondingaꞌ nantai, sia' botula', lalu di tongah pojalatan somuo sia' pan nyamanam.

Lukas 6:10

Yesus mocorona'i ko somuo sia'. Ongko bopandir ko urakng inyo longan kanannyo mati nantai, “Uluran longan kolai!” Kali io uluran longannyo nantai, longannyo nantai bobali' boi' samaꞌan biaso.

Yohanes 9:7

Kato Yesus ko io, “Botula'cam, tapusicam mato-muho kolai di Kolapm Siloam.” (Kato Siloam rotinyo ‘diutus’.) Jadi, urakng nantai hingkasam mombasu'i mato-muhonyo. Watu io bobali', io udah ulih moniant am.

Roma 11:25

Boko somadikan! Oca' kaitn kinyo bopikir kaitn udah mongotohu'i boko la'apo pan, jadi aku honda' momadahannyo ko kaitn mongona'i hajat Allah ni'in inyo komai kinyo dikotohu'i monsio: Sobagi'an banso Israel udah monjadi korikng hati, kinyo honda' pocayo agatn Yesus. Apo, koadaan ni'in bayo sampai jumlah monsio doi' banso bukai udah datakng ko Allah, ia'an nantai jumlah inyo udah ditontuan-Nyo.

2 Korintus 3:14

Pikiran sia' udah totutup. Sampai ari ni'in pan, sama'an nian jam. Jadi, timpu urakng Israel mombaco Pojanjian Manah di Hukupm Torat nantai, ubo ado koitn ponutup mato-muho inyo mombulah pikiran sia' buntu'. Sia' co mongoroti sobondarnyo tujuan Hukupm Torat nantai, obai urakng bayo mongoroti aman io di dalapm Kristus.

Efesus 4:18

Sia' kinyo dapat mongoroti mongona'i Allah obai sia' tinggal di dalapm potakng, jouh doi' kohidupan inyo dionju' Allah. Obai, sia' kinyo mongonal Allah, huatan obai sia' korikng hati.

Efesus 4:26

Aman kaitn godi, jangan sampai mombulah kaitn bodosa. Kaitn gola' botongga' godi sobolupm matoari tonggolapm.

Efesus 4:30

Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.

Ibrani 3:10

Nantai am sobabnyo Aku kotakng godi agatn boko urakng joman nantai. Aku bopandir: ‘Hati sia' hala monjumpati jalatn inyo salah. Sia' kinyo honda' mongonal jalatn-Ku.’

Ibrani 3:17

Ko sopo am Tuhatn godi somanah ompat puluh tohutn nantai? Sio godi ko sia' inyo bulah dosa lalu potukah mati di padakng pasir.

Ibrani 5:9

Agatn caro nantai, Sio monjadi Ponyolamant inyo sompurna. Jadi, Sio ulih moonji'i kohidupan kokal ko somuo urakng inyo taat ko Sio.

Wahyu 6:16

Sia' bopandir ko boko gunung ongko boko batu nantai, “Jatu'cam tinggakng koi. Ombakan cam koi doi' Sio inyo dudu' di pucu' tahta. Ombakan cam koi doi' ponggodi Ana' Domba nantai!