Markus 3:27 - Porjanjian Boharu Torjomahan Baso Dilakng Soari-ari

²⁷ Aman ado urakng honda' momansu'i rumah urakng inyo toning oca' morampas kodampuannyo, pasti io gola' mongobat urakng inyo toning nantai holu'ai. Hoyu' io ulih morampok rumah nantai.

Markus 3:27 ပူးပေါင်းရင်းမြစ်များ

Matius 12:29

Potimbakancam gambaran ni'in: Aman siku' urakng honda' momansu'i rumah urakng inyo kuat oca' morampas bando barakngnyo, pasti io gola' mongobat urakng inyo kuat nantai holu'ai. Hoyu' io ulih morampok rumah nantai.

1 Yohanes 4:4

Apo, boko poana'anku, kaitn boasal doi' Allah. Kaitn udah mongalahan boko nabi palsu nantai. Obai, Roh Allah inyo ado di dalapm diri kaitn lobih bokuaso daripado roh Musuh Kristus inyo ado di dalapm dunia.

1 Yohanes 3:8

Apo urakng inyo totap bulah dosa, rotinyo io ia'an ana' Rajo Sitatn. Nantai udah jolas obai Rajo Sitatn hala bulah dosa doi' sobolupm dunia dipulah. Nantaiam alasan Ana' Allah udah datakng ko dunia, ia'an oca' Sio monongga'an pokoroja'an Rajo Sitatn.

Kolose 2:15

Watu nantai, Sio mongalahan somuo kuaso di dunia huatan somuo roh inyo ado kuaso. Agatn caro nantai, Sio bulah sia' monjadi malu di muka' umum.

Yohanes 12:31

Watu ni'in udah gonapam watunyo dunia ni'in dihakipi. Watu ni'in jam, io inyo monguaso'i dunia ni'in, ia'an Rajo Sitatn, paca'an dikalahan.

Ibrani 2:14

Yesus monyobut'an boko urakng inyo pocayo ko Sio sobagai poana'an. Sia' ado bukakng-tubuh monsio inyo ulih mati, jadi Yesus monjadi monsio huatan moalapi koadaan samo sama'an sia'. Sio molabuhan nantai oca' watu Sio mati, Sio ulih mohancuran Rajo Sitatn. Rajo Sitatn bokuaso mombulah monsio mati.

Roma 16:20

Allah inyo moonji'i sonang-nyamanam tajahan copat molonyapan kuaso Rajo Sitatn inyo molawatn kaitn. Aku bodoa oca' Yesus, Tuhatn kito, hala monunju'an kasih-Nyo ko kaitn.