Markus 3:18 - Porjanjian Boharu Torjomahan Baso Dilakng Soari-ari

¹⁸ Lopasnyo ado Andreas, Filipus, Bartolomeus, Matius, Tomas, Yakobus (ana' Alfeus), Tadeus, Simon (urakng Zelot),

Markus 3:18 ပူးပေါင်းရင်းမြစ်များ

Matius 13:55

Padohal, Sio ongkah urakng biaso mo. Sio ninam ana' doi' urakng tukakng kayu. Indai-Nyo bodamoan Maria. Boko somadikan-Nyo ia'an Yakobus, Yusuf, Simon ongko Yudas.

Matius 9:9

Lopas nantai, Yesus botula' doi' santai. Sio moniant ado siku' urakng Yahudi inyo monagih pajak pakai' pomorintahan Romawi. Damonyo Matius, tongahan dudu' di rumah tompat pongumpulan pajak. Yesus bopandir ko Matius, “Tuyut Aku cam!” Matius nantai bodiritn ongko tuyut Yesus.

Markus 2:14

Tongahan Yesus bojalatn di santai, Sio moniant ado urakng Yahudi inyo monagih pajak pakai' pomorintahan Romawi. Damonyo Lewi, ana' Alfeus. Lewi tongahan dudu' di rumah tompat pongumpulan pajak. Yesus bopandir ko io, “Tuyut Aku!” Lewi lansukng bodiritn, tuyut Yesus.

Markus 3:17

Yakobus (ana' Zebedeus) ongko Yohanes somadikannyo. (Sia' duo somadikan ni'in Yesus mondamo'inyo Boanerges, rotinyo poana'an guntur.)

Markus 3:19

ongko Yudas Iskariot (inyo nononyo monyorahan Yesus ko boko urakng inyo molawatn-Nyo).

Yohanes 1:40

Andreas ia'an salah siku' doi' koduo murid nantai inyo mondinga' pandir Yohanes lalu io tuyut Yesus. Andreas nam somadikan bondar Simon Petrus.

Yohanes 11:16

Tomas, salah siku' murid Yesus inyo disobut jam “Ana' Kombar”, io bopandir ko boko murid inyo bukai. Katonyo, “Pasti Yesus paca'an mati di su'utn. Hincapm, kito tuyut botula' oca' kito mati bosamo agatn Yesus.”

Yohanes 14:22

Yudas (Apo bukainyo Yudas Iskariot) bopandir ko Yesus, “Tuhatn, obai apo Duatn honda' monyatoan diri Duatn ko koi, apo kinyo boko urakng bukai di dunia?”

Yohanes 21:2

Boboropo murid Yesus inyo bokumpul. Ado Simon Petrus, Tomas (inyo disobut ‘Si Ana' Kombar’), Natanael (doi' laman Kana di doerah Galilea), koduonyo ana' Zebedeus, huatan duo urakng murid-Nyo inyo bukai.

Kisah Boko Rasul 1:13

Kali sampai di kota, sia' botula' ko rumah tompat sia' monoluntukng. Di rumah nantai sia' noi' ko kamar sia' di loteng. Boko rasul nantai: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus (ana' Alfeus), Simon (urakng Zelot), ongko Yudas (ana' Yakobus).

Kisah Boko Rasul 15:13

Lopas sia' duo jadi bopandir, hoyu' Yakobus bopandir. Katonyo, “Boko somadikan, dinga'anbo aku.

Kisah Boko Rasul 21:18

Kohobu'annyo, Paulus samoan koi botula' monomu'i Yakobus. Somuo ponotua' inyo bukai pan udah bokumpul di santai.

1 Korintus 15:7

Lopas nian, Yesus moniant'an diri Sio ko Yakobus, ongko ko somuo rasul inyo bukai.

1 Korintus 9:5

Rasul Petrus, boko somadikan Tuhatn Yesus, huatan boko rasul bukai mombaba' bini sia' inyo pocayo dalapm pojalatan polayatan sia'. Tontunyo koi pan bohak molabuhan nantai!

Galatia 1:19

Timpu nantai aku co botomu agatn boko rasul inyo bukai kocuali Yakobus, somadikan Tuhatn Yesus.

Galatia 2:9

Doi' kolompok pomimpitn nantai, Yakobus, Petrus ongko Yohanes bisi tanggukng-jawab inyo kotakan bosar. Sia' monjadi sadar mongona'i koboi'an inyo Allah onju' ko aku. Watu sia' monjadi sadar agatn nantai, sia' bosalapan agatn aku ongko Barnabas. Nantai monjadi tando obai sia' sotuju agatn Kabar Boi' inyo aku boritoan. Sia' sotuju aman koi momboritoan ko urakng bukai Yahudi, huatan sia' momboritoan ko urakng Yahudi.

Yakobus 1:1

Pakai' somuo boko urakng inyo pocayo doi' koduo bolas suku umant Allah inyo tosebar di soluruh dunia. Salapm doi' ku, Yakobus, inyo molayati Allah ongko polayatn Yesus Kristus.

Yudas 1:1

Surat ni'in doi' aku, Yudas, hulutn Yesus Kristus. Aku pan somadikan Yakobus. Surat ni'in ko boko urakng inyo ditingkau, ia'an boko urakng inyo dikasihi Allah Bopai, boko urakng inyo Allah jago oca' ulih monjadi umputn Yesus Kristus.