Markus 3:17 - Porjanjian Boharu Torjomahan Baso Dilakng Soari-ari

¹⁷ Yakobus (ana' Zebedeus) ongko Yohanes somadikannyo. (Sia' duo somadikan ni'in Yesus mondamo'inyo Boanerges, rotinyo poana'an guntur.)

Markus 3:17 ပူးပေါင်းရင်းမြစ်များ

Ibrani 4:12

Obai, Pomandiran Allah ia'an pomandiran inyo hidup huatan bokuaso, lobih tajapm doi' podakng bomato duo. Samo sama'an podakng inyo ulih monuhu' monyongkayoan boko posigalan huatan sunsutn, sama'an nian jam pomandiran Allah ulih monuhu' kotakng dalapm huatan monyongkayoan jiwa ongko roh. Pomandiran Allah ulih momoriso pikiran ongko hajat hati kito.

Markus 14:33

Sio mombaba' Petrus, Yakobus ongko Yohanes. Sia' botula' samoan Sio. Watu nantai, Yesus mula'i mooso kotakan salu' huatan golisah.

Markus 5:37

Lalu Yesus kinyo moijitan ko sopo pan tuyut-Nyo, kocuali Petrus, Yakobus ongko somadikannyo, Yohanes.

Kisah Boko Rasul 12:1

Somontaro Barnabas ongko Saulus ija' di Antiokhia, Rajo Herodes monyiuh boko projuritnyo pakai' monangkap boboropo urakng inyo pocayo di Yerusalem. Herodes honda' mondorako'i boko urakng inyo pocayo agatn Yesus.

Yohanes 21:2

Boboropo murid Yesus inyo bokumpul. Ado Simon Petrus, Tomas (inyo disobut ‘Si Ana' Kombar’), Natanael (doi' laman Kana di doerah Galilea), koduonyo ana' Zebedeus, huatan duo urakng murid-Nyo inyo bukai.

Markus 10:35

Lopasnyo, Yakobus ongko Yohanes, ia'an poana'an Zebedeus, mondokati Yesus. Kato sia' ko Sio, “Guru, koi honda' minto ado jam doi' Duatn. Koi boharap Duatn paca'an molabuhan nantai.”

Markus 9:2

Onam ari lopas nantai, Yesus mombaba' Petrus, Yakobus ongko Yohanes huatan bosamo-samo agatn sia', Sio noi' ko sobuah bukit inyo tinggi. Di santai, sonsiku'an sia' mo. Lalu Yesus borubah rupo dipohadapan mato-muho sia'.

Wahyu 10:11

Sio bopandir ko aku, “Kolai gola' monyampaian posatn doi' Allah agi' ko banya' banso, negara, baso huatan rajo.”

Matius 4:21

Yesus bojalatn torus lalu moniant duo urakng somadikan bukainyo agi', ia'an Yakobus ongko Yohanes. Sia' tongahan monambali jalo sia' di dalapm porohu bosamo agatn Bopai sia' inyo bodamo Zebedeus. Yesus moningkau Yakobus ongko Yohanes pakai' monjadi pongikut Sio.

Markus 3:16

Koduo bolas urakng inyo Sio pilih ia'an: Simon (inyo Yesus damo'i Petrus),

Markus 3:18

Lopasnyo ado Andreas, Filipus, Bartolomeus, Matius, Tomas, Yakobus (ana' Alfeus), Tadeus, Simon (urakng Zelot),

Lukas 9:54

Watu boko murid-Nyo, ia'an Yakobus huatan Yohanes mondingaꞌ hal nantai, sia' bopandir, “Tuhatn, honda' cado koi minto Allah mongiripm api doi' sorugo oca' mombonasoan sia'?”