Markus 3:10 - Porjanjian Boharu Torjomahan Baso Dilakng Soari-ari

¹⁰ Obai Sio udah banya' am monyamani urakng, lalu somuo urakng boponyakit bosonsongka'an bousaha mohampiki Sio oca' ulih moncama' Sio.

Markus 3:10 ပူးပေါင်းရင်းမြစ်များ

Markus 6:56

Aman Sio botula' ko kota, desa damo laman kocit, boko urakng sakit dibaba' ko tompat umum di santai. Sia' muhun ko Yesus oca' boko urakng sakit nantai ulih moncama' jubah-Nyo, biar bayo hujukngnyo pan. Somuo inyo moncama'nyo monjadi nyamanam doi' ponyakitnyo.

Matius 14:36

Sia' muhun ko Sio oca' ulih moncama' jubah-Nyo, biar aja' bayo rumbai jubahnyo pan, somuo inyo moncama'-Nyo monjadi nyamanam.

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Kisah Boko Rasul 5:15

Boko rasul Yesus banya' bulah mujisat. Obai nantai am, banya' urakng mombaba' boko urakng boponyakit ko boko jalatn ongko sia' nantai diulit'an di tikar damo tompat tidu'. Sia' boharap pas Petrus lalu di siatn, palikng cado kombayakngnyo kona' sia', oca' sia' nyamanam.

Lukas 7:2

Di santai ado siku' powira tontara Romawi, ongko hulutnnyo sakit kuat, honda' matiam. Powira tontara nantai kotakan kidahnyo agatn hulutnnyo nantai.

Ibrani 12:6

Obai, Tuhatn momantu sotiap urakng inyo dikasihi-Nyo. Sio mohombat sotiap urakng inyo Sio anggap ana'-Nyo.”

Markus 5:34

Kato Yesus ko io, “Ana'-Ku, obai kolai udah pocayo ko aku, kolai nyamanam! Hingkascam agatn sonang-nyaman. Kolai udah nyamanam am doi' ponyakit kolai!”

Matius 14:14

Watu Yesus mondarat, Sio moniant kotakan banya' urakng di santai. Jadi, Sio mooso salu' agatn sia' lalu monyamani boko urakng inyo boponyakit di antaro sia'.

Matius 12:15

Apo Yesus mongotohu'i gogadatn boko urakng Farisi nantai. Jadi, Sio botula' doi' su'utn. Banya' urakng tuyut Sio, huatan Sio monyamani somuo sia'.

Markus 8:22

Lopas nantai, Yesus agatn boko murid-Nyo datakam di kota Betsaida. Di santai, ado urakng inyo buto. Boko urakng mombaba' io ko Yesus ongko momuhun oca' Yesus moncama'nyo pakai' monyamani io.

Lukas 5:3

Yesus noi' ko dalapm sobuah porohu umputn ponjalo bodamoan Simon Petrus, ongko monyiuh Simon Petrus monyurukan porohu nantai aga' ko tongah, oca' nyamanam Sio mongajar boko urakng banyaꞌ nantai. Jadi, Yesus dudu' kapikng mongajar doi' porohu.

Lukas 6:19

Somuo urakng bousaha moncama' Yesus, obai ado kuaso inyo koluar doi'-Nyo inyo monyamani somuo urakng nantai.

Lukas 7:21

Timpu nantai, Yesus banyaꞌ monyamani boko urakng inyo boponyakit, huatan monundukng boko roh jahat doi' dalapm boko urakng inyo korasu'an, roh jahat nantai koluar tangga'i boko urakng inyo dirasu'inyo, huatan urakng buto moncolakng agi'.