Markus 2:5 - Porjanjian Boharu Torjomahan Baso Dilakng Soari-ari

⁵ Pas Yesus moniant iman sia', Yesus bopandir ko urakng lumpuh nantai, “Oi ana'-Ku, dosa kolai udah diamputi.”

Markus 2:5 ပူးပေါင်းရင်းမြစ်များ

Matius 9:2

Ongko, boboropo urakng datakng mombaba' urakng sakit lumpuh inyo mangkakan di pucu' tikar. Timpu Yesus moniant sia' pocayo obai Sio bokuaso, Yesus bopandir ko urakng lumpuh nantai, “Somadikan-Ku, jangan gola', obai dosa kolai udah diamputi.”

Yakobus 5:15

Aman sia' bobondar pocayo, jadi Tuhatn paca'an monyamanan urakng sakit nantai. Biar pan io udah bulah dosa, Tuhatn paca'an moamputinyo.

Matius 9:22

Apo Yesus mongilikng huatan moniant botina' nantai. Kato-Nyo, “Somadikan-Ku, jangan gola'. Kolai nyamanam obai kolai udah pocayo ko Aku.” Watu nantai jam, botina' nantai nyamanam.

Efesus 2:8

Obai kaitn disolamant'an obai Allah monunju'an kasih karunia-Nyo ko kaitn huatan obai kaitn pocayo ko Kristus Yesus. Nantai bukainyo boko hal inyo kaitn usahaan, apo boko hal inyo Allah onju' ko kaitn.

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

Yohanes 5:14

Kohobu' kolusoannyo, Yesus botomu agatn urakng inyo dinyamani nantai di tongahlamanan Rumah Allah. Kato Yesus ko io, “Dinga'ancam! Ni'in kolai udah nyamanam. Jangan bulah dosa agi' oca' kolai co kona' la'apo pan inyo lobih buru'.”

Lukas 5:20

Watu Yesus moniant kotakng bosar iman sia'. Yesus bopandir ko urakng lumpuh nantai, “Somadikan, dosa kolai udah diamputi.”

Kolose 3:13

Aman ado urakng inyo bulah kosalahan agatn urakng bukai, kaitn gola' samo-samo sabar tohadap inyo bukai huatan samo moamputi, ongko kaitn pan gola' moamputi urakng bukai.

2 Korintus 2:10

Aman kaitn moamputi urakng inyo bulah salah, jadi aku pan moamputi urakng nantai. Watu ku moamputi urakng, aman memang ado inyo gola' diamputi, aku molabuhan nantai pakai' koboi'an kaitn somuo. Aku pan molabuhan nantai di hadapan Kristus.

1 Korintus 11:30

Nantaiam alasannyo banya' doi' kaitn monjadi lomah huatan sakit. Cukup banya' jam inyo udah bomatian.

Kisah Boko Rasul 14:9

Urakng lumpuh nantai dudu' bondinga'an pomandiran Paulus. Io pocayo ulih nyamanamobai kuaso Yesus. Jadi, watu Paulus moniant io, Paulus tohu io pocayo.

Kisah Boko Rasul 11:23

Pas Barnabas tuntukng ko su'utn, io moniant caro kohidupan sia' borubah obai Allah bulah koboi'an ko sia'. Obai nantai Barnabas mooso kotakan rindakng. Io monguat'an hati sia' oca' sia' somuo totap pocayo huatan monaati ko Tuhatn Yesus agatn soponuh hati.

Yohanes 2:25

Sio co pontikng siku' urakng pakai' momadahannyo ko Sio mongona'i monsio, obai Sio tohu somuo inyo ado di dalapm hati monsio.

Lukas 8:48

Kato Yesus ko io, “Ana'-Ku, kolai nyamanam obai udah pocayo agatn Aku. Pulakng cam agatn sonang-asau.”

Markus 5:34

Kato Yesus ko io, “Ana'-Ku, obai kolai udah pocayo ko aku, kolai nyamanam! Hingkascam agatn sonang-nyaman. Kolai udah nyamanam am doi' ponyakit kolai!”

Matius 9:5

Monurut kaitn mono inyo lobih mudah? Mongatoan ‘Dosa kaitn udah diamputi’ damo ‘huas ongko bojalatn cam’.

Markus 2:6

Apo, boboropo guru agama Yahudi inyo tongahan dudu' di santai bopikir dalapm hati sia',