Markus 2:25 - Porjanjian Boharu Torjomahan Baso Dilakng Soari-ari

^25-26 Timbas Yesus ko sia', “Pasti kaitn kalo mombaco Buku Suci mongona'i porbuatan Rajo Daud watu Abyatar monjadi Imam Agukng. Daud ongko boko urakng inyo tuyutnyo kolaparan. Jadi, Daud mansu' ko dalapm Rumah Allah, monguti' roti inyo udah diposombahan ko Allah. Monurut Hukupm Torat bayo boko imam ulih bopua' roti nantai. Apo watu nantai, Daud momua'inyo. Io moonju' ko boko urakng inyo tuyutnyo pakai' bopua' jam.”

Markus 2:25 ပူးပေါင်းရင်းမြစ်များ

Lukas 10:26

Timbas Yesus, “La'apo inyo totulis dalapm Buku Poraturan Allah inyo ditulis Musa? La'apo inyo kolai baco di siatn?”

Markus 12:26

Hal mongona'i boko urakng hidup agi' doi' komatian ado di dalapm Buku Suci inyo ditulis Musa. Watu Allah bopandir agatn Musa doi' dalapm rado momant inyo sama'an api bonyalo, Allah bopandir, ‘Aku ninam Allah inyo disombah Abrahapm, Ishak, ongko Yakub.’

Markus 12:20

Nah, ado tujuh urakng somadikan. Somadikan inyo kojula'an kawitn agatn siku' botina', apo io mati sobolupm sia' boana'.

Matius 22:31

Hal mongona'i boko urakng bobali' hidup agi' doi' komatian ado di dalapm Buku Suci. Apo, pasti kaitn bolupm mongoroti nantai. Kato Allah,

Matius 21:42

Kato Yesus ko sia', “Pasti kaitn kalo mombaco di Buku Suci mongona'i ni'in: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo. Tuhatn inyo molabuhan nantai! Hebat bondar pogota'an-Nyo nantai.’ ”

Matius 21:16

Boko imam kopala' ongko boko guru nantai bopandir ko Yesus, “Duatn mondinga' la'apo inyo dipandiran boko bobia' ni'in?” Kato Yesus ko sia', “Au, Aku mondinga' mo. Apo pasti kaitn kalo mombaco pomandiran ni'in di Buku Suci: ‘Duatn udah bulah oca' boko bobia' muda' ongko boko bobia' kocit momuji Duatn.’ ”

Matius 19:4

Timbas Yesus, “Pasti kaitn udah mombaco di Buku Suci. Doi' mulonyo, Allah bulah sopasakng monsio, ia'an lolaki ongko botina'.

Matius 4:2

Di su'utn, Yesus bopuaso somanah ompat puluh ari, ompat puluh malapm. Koponsuahannyo Sio mooso kolaparan.

Markus 2:24

Jadi, boko urakng Farisi bopandir ko Sio, “Tiat! Porbuatan boko murid Kolai nantai salah! Obai, ado porintah Allah dalapm Hukupm Torat inyo morarakng urakng bokorojo watu ari Sabat.”