Markus 2:2 - Porjanjian Boharu Torjomahan Baso Dilakng Soari-ari

² Jadi, kotakan banya' urakng datakng bokumpul di santai. Rumah nantai bisi agatn urakng kotakan pohadapan lawakng pan conyiant ado tompat. Tongahan Yesus momboritoan Pomandiran Allah ko sia',

Markus 2:2 ပူးပေါင်းရင်းမြစ်များ

Matius 5:2

Lalu Sio mongajar sia'. Kato-Nyo,

Markus 1:14

Lopas Yohanes ditangkap ongko dimansu'an ko ponjara, Yesus botula' ko propinsi Galilea, momadahan Kabar Boi' doi' Allah.

Markus 1:33

Hampir somuo pondudu' kota nantai bokumpul di muka' lawakng rumah nantai.

Markus 1:37

Ahirnyo, sia' monomuan-Nyo. Kato sia', “Somuo urakng tongahan monggoyapi Duatn.”

Markus 1:45

Apo, urakng nantai botula' kinyo botongga' momboritoan kojadian nantai di mono-mono. Obai nantai, Yesus culih mansu' ko dalapm kota agi' socaro torakng-torakan. Sio gola' diapm di luar di tompat inyo langunt. Apo, urakng torus bodatakan ko Sio doi' mono-mono.

Markus 2:1

Boboropo ari lopas nantai, Yesus bobali' ko kota Kapernaum. Banya' urakng mondinga' obai Sio ado di rumah nantai

Markus 2:13

Lopas nantai, Yesus botula' agi' ko pinggir danau Galilea. Banya' urakng datakng ko Sio, lalu Sio mongajar sia'.

Markus 6:34

Watu Yesus turutn doi' porohu, Sio moniant ado banya' urakng di santai. Sio mooso kasih agatn sia' obai sia' conyiant urakng inyo moirikng sia'. Sia' samo sama'an boko domba inyo conyiant pongombolonyo. Jadi, Sio mongajaran banya' hal ko sia'.

Lukas 12:1

Timpu Yesus botula' doi' rumah urakng Farisi nantai, banyaꞌ bondar urakng bokumpul. Obai sia' kotakng banyaꞌ sampai ado inyo totonja'an kaki siku'-monyiku' obai honda' mondingaꞌ Yesus mongajar. Yesus lobih doholu bopandir ko boko murid-Nyo, “Jagocam diri kaitn oca' co monjadi urakng pompadah boi' samaꞌan pomimpitn agama doi' kolompok Farisi. Kotiat'annyo sia' molayati Allah, apo sobondarnyo cado. Kojahatan sia' mongkitn banyaꞌ, mompongaruhi urakng bukai samaꞌan ragi bulah roti mongkitn mongombakng.

Lukas 5:17

Pas ari nantai Yesus mongajar disobuah rumah. Di santai ado boboropo urakng guru hukupm Yahudi ongko boboropo urakng pomimpitn agama doi' kolompok Farisi. Sia' dudu' mondingaꞌan Yesus mongajar. Sia' datakng doi' boko laman di doerah Galilea ongko doerah Yudea, huatan doi' kota Yerusalem jam. Allah moonju' kuaso-Nyo ko Yesus pakai' monyamani urakng boponyakit.

Lukas 8:1

Lopas nantai, Yesus botula' doi' kota ko kota, doi' laman ko laman, momboritoan Kabar Boi' mongonaꞌi Koraja'an Allah. Koduo bolas murid-Nyo tuyut jam.

Lukas 8:11

Ni'innam roti poumpamoan nantai: Bonih nantai samo agatn pomandiran Allah.

Kisah Boko Rasul 11:19

Somontaro nantai, boko urakng inyo pocayo Yesus udah tosebar ko mono-mono. Lopas jadi Stefanus dibunuh, di kota Yerusalem boko urakng pocayo didorako'i. Obai nantai, sia' morarian diri jouh sampai ko nogori Fenisia, pulau Siprus, huatan kota Antiokhia. Sia' torus monyampaian Kabar Boi' mongona'i Yesus di boko tompat nantai. Apo sia' bayo momboritoan nantai ko urakng Yahudi ja'am.

Kisah Boko Rasul 14:25

Di doerah Pamfilia, ado kota Perga. Di kota nantai jam, sia' momboritoan Kabar Boi'. Ongko, sia' turutn ko polabuhan Atalia.

Kisah Boko Rasul 16:6

Lopas nantai, Paulus, Silas ongko Timotius botula' ko doerah Frigia huatan doerah Galatia. Sobondarnyo sia' honda' momboritoan Kabar Boi' ko doerah Asia. Apo Roh Allah morarakng sia'.

Kisah Boko Rasul 8:25

Lopas nantai, koduo rasul nantai monyampaian borito doi' Tuhatn. Sia' momboritoan mongona'i pongalapan sia' siku' bosamo Yesus. Ongko, sia' bobali' ko Yerusalem. Dalapm pojalatan pulakng, sia' momboritoan Kabar Boi' mongona'i Yesus di banya' laman bukai di doerah Samaria nantai.

Roma 10:8

Masudnyo ia'an sama'an ni'in. “Pomandiran Allah nantai dampikng bondar agatn kolai. Di nyao huatan di dalapm hati kolai.” Nantai am pomandiran Allah inyo koi boritoan ia'an obai urakng gola' pocayo.

2 Timotius 4:2

Boritoancam pomandiran Allah! Boritoancam agatn torus-monorus sotiap watu. Tulukngcam boko urakng oca' mongomboi'i caro hidupnyo. Olikancam urakng inyo bulah kosalahan. Padahicam huatan onji'i somangant ko boko urakng oca' hala bulah koboi'an. Labuhancam somuo nantai agatn sabar. Labuhancam somuonyo nantai kapikng mongajar Pomandiran Allah.