Markus 2:17 - Porjanjian Boharu Torjomahan Baso Dilakng Soari-ari

¹⁷ Apo Yesus mondinga' pomandiran sia' nantai. Jadi Sio bopandir, “Urakng inyo sehat kinyo momontikan dokter. Apo urakng boponyakit pasti pontikng dokter. Aku datakng bukainyo pakai' moningkau urakng bondar. Apo Aku datakng pakai' moningkau boko urakng inyo bodosa oca' sia' moninggalan boko dosa sia'.”

Markus 2:17 ပူးပေါင်းရင်းမြစ်များ

Lukas 15:7

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Lukas 19:10

Ana' Monsio datakng pakai' monggoyapi ongko monyolamant'an urakng inyo bodosa.”

Yohanes 9:40

Boboropo urakng Farisi inyo ado di siatn nantai, sia' mondinga' pomandiran Yesus nantai. Sia' bopandir agatn Sio, “Koi co koi buto.”

Lukas 15:10

Nah, porotiancam ni'in: samo sama'an nantai jam, Allah huatan boko molekat di sorugo kotakng rindakng aman siku' urakng botongga' bulah dosa lalu hidup monyonangan Allah.”

Lukas 15:29

Apo io bopandir, ‘Botohutn-tohutn manahnyo aku bokorojo humpas-pulas pakai' duatn Bopai. Aku hala monaati porintah duatn Bopai. Apo duatn Bopai bolupm kalo moonji'i siku' kambikng pan pakai' aku rindakng-ramai agatn pokawalanku!

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Kisah Boko Rasul 20:21

Aku hala mongajar agatn torus torakng, boi' ko boko urakng Yahudi huatan ko boko urakng Yunani oca' sia' botongga' bulah dosa huatan hidup monyonangan hati Allah. Sia' gola' pocayo ko Yesus, Tuhatn inyo bokuaso pucu' kito.

Lukas 16:15

Apo Yesus bopandir ko sia', “Kaitn bousaha oca' di hadapan urakng bukai kaitn kotiat'annyo boi' huatan hala bondar. Apo Allah tohu isi hati kaitn inyo sobondarnyo jahat. Banyaꞌ hal inyo dirogo'i ulih monsio, kinyo dirogo'i ulih Allah.

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Kisah Boko Rasul 26:20

Mulonyo, aku momboritoan mongona'i Yesus ko boko urakng di Damsyik, ongko di Yerusalem, ongko di soluruh doerah propinsi Yudea. Lopas nantai, aku momboritoan mongona'i Yesus ko boko banso inyo bukainyo banso Yahudi. Aku momboritoan obai sia' gola' botongga' bulah dosa huatan hidup monyonangan hati Allah. Aku momboritoan, sia' gola' molabuhan porbuatan inyo monunju'an obai sia' memang bondar-bondar botongga' bulah dosa.

Yohanes 9:34

Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.