Markus 2:16 - Porjanjian Boharu Torjomahan Baso Dilakng Soari-ari

¹⁶ Apo watu boko pomimpitn agama Yahudi doi' kolompok Farisi ongko boko guru agama Yahudi moniant Yesus makatn agatn ponagih pajak ongko boko urakng bodosa. Sia' bopandir ko boko murid Yesus, “Mapo Sio makatn bosamo agatn ponagih pajak ongko boko urakng bodosa?”

Markus 2:16 ပူးပေါင်းရင်းမြစ်များ

Lukas 19:10

Ana' Monsio datakng pakai' monggoyapi ongko monyolamant'an urakng inyo bodosa.”

Lukas 18:11

Urakng Farisi nantai lalu bodoa dalapm hati ubo ni'in, ‘Oi Allah, aku bosukur ko Duatn, obai aku co bodosa samaꞌan urakng bukai inyo mongolit, molanggar hukupm, bomporajoan damo jahat samaꞌan ponagih pajak ni'in.

1 Korintus 2:15

Apo boko urakng inyo dikuaso'i Roh Allah, sia' mampu momoriso'i la'apo pan. Apo sia' kinyo ulih diporiso'i boko urakng bukai

Kisah Boko Rasul 23:9

Sia' monjadi kotakan camuh. Ongko, boboropo guru agama doi' kolompok Farisi bodiritn. Sia' molawatn boko urakng Saduki agatn koras. Sia' bopandir, “Monurut koi, urakng ni'in samo sokali kinyo bosalah! Mungkitn ado molekat damo roh inyo bopandir ko io.”

Lukas 19:7

Apo boko urakng inyo moniant Yesus botula' ko rumah Zakheus botuta'. Kato sia', “Uai! Sio monoluntukng di rumah urakng inyo bodosa.”

Ibrani 12:3

Timpu boko urakng bodosa kotakng molawatn-Nyo, Sio botahatn mohadapi pondorita'an nantai. Jadi, ingantcamtoladatn Sio nantai oca' kaitn kinyo monjadi lomah ongko putus asa.

Markus 2:7

“Hibo urakng ni'in bopandir ubo nian? Sio mohayam Allah! Ongkah Allah inyo ulih moamputi dosa!”

Matius 18:17

Aman io kinyo honda' mondinga'an nosihat kaitn, sampaiancam pokaro nantai ko jomaat. Aman io kinyo honda' jam mondinga'an nosihat sia', ongko anggapcam io nantai urakng inyo kinyo mongonal Allah huatan ponagih pajak.

Matius 9:11

Watu nantai boko pomimpitn agama Yahudi doi' kolompok Farisi moniant hal nantai, sia' bopandir ko boko murid Yesus. Kato sia', “Ma'apo guru kaitn makatn bosamo-samo agatn ponagih pajak ongko boko urakng bukai inyo bodosa?”

Matius 5:46

Aman kaitn mongasihi bayo boko urakng inyo mongasihi kaitn, nantai bukainyo sosuatu inyo istimewa sampai cucu' mondapat hormat. Obai boko ponagih pajak inyo jahat bulah ubo nian jam.

Markus 2:15

Timpu Yesus tongahan makatn di rumah Lewi, ado banya' ponagih pajak ongko boko urakng bukai inyo dianggap ulih masrakat bodosa, datakng tuyut makatn bosamo-samo agatn Yesus ongko boko murid-Nyo. Obai, banya' di antaro sia' tuyut Yesus.

Lukas 5:30

Apo boko urakng Farisi ongko boko guru agama Yahudi botuta'-bomamai. Sia' bopandir ko murid Yesus, “Ma'apo kaitn makatn-minum bokawal agatn ponagih pajak ongko boko urakng bukai inyo bodosa? Nian salah!”