Markus 2:12 - Porjanjian Boharu Torjomahan Baso Dilakng Soari-ari

¹² Lansukng urakng nantai bodiritn di pohadapan sia' somuo, moangkat tikarnyo lalu botula' ko luar. Somuo urakng di santai hiratn, lalu momuji Allah. Kato sia', “Kito bolupm kalo moniant kojadian ubo ni'in!”

Markus 2:12 ပူးပေါင်းရင်းမြစ်များ

Matius 9:33

Lopas Yesus monundukng roh jahat nantai, urakng bisu nantai ulih bopandir agi'. Urakng banya' hiratn. Kato sia' “Kojadian sama'an ni'in bolupm kalo tojadi di Israel!”

Matius 9:8

Watu boko urakng moniant nantai, sia' gola' obai kuaso-Nyo. Sia' momuji Allah inyo moonji'i kuaso sama'an nantai ko monsio.

Lukas 7:16

Boko urakng moniant kojadian nantai, topocongo ongko kotakan hormat kapikng momuji Allah. Kapikng bopandir ko siku'-monyiku', “Siku' nabi bosar Allah udah hidup am di tongah-tongah kito, Allah udah monulukng kito umant-Nyo.”

Kisah Boko Rasul 4:21

Urakng banya' momuji Allah moniant mujisat nantai obai urakng nantai lumpuh doi' lahir apo udah boumur lobih doi' ompat puluh tohutn hoyu' dinyamani. Jadi, boko pomimpitn urakng Yahudi nantai co ulih monomuan caro pakai' mohukupm koduo rasul nantai agatn co bulah urakng banya' godi. Koponsuahannyo boko pomimpitn urakng Yahudi nantai mombebasan koduo rasul nantai, apo totap morarakng sia' agatn ancapan ni'in: oca' sia' jangan agi' momboritoan ko urakng bukai ajaran inyo jadi diajaran Yesus.

Yohanes 9:32

Yesus nantaiam bulah aku, urakng buto tangga'i lahir, ulih moniant. Doi' mulo dunia, bolupm kalo kodinga'an ado urakng inyo sanggup molabuhan nantai.

Yohanes 7:31

Apo, di antaro urakng banya' nantai ado banya' jam inyo pocayo ko Yesus. Kato sia', “Aman Kristus datakng nononyo, apo ulih bai Io bulah mujisat lobih doi' Urakng ni'in?”

Lukas 17:15

Apo, timpu mongotohu'i udah nyamanam, siku'mo doi' sia' nantai bobali' ko Yesus, kapikng momuji Allah agatn sura'-lahap.

Lukas 13:13

Lopas Yesus molota'an jari-Nyo, botina' nantai lansukng bodiritn tontakng boi' ongko momuji Allah.

Lukas 5:26

Somuo urakng di santai hiratn, ongko momuji-muji Allah. Agatn porasa'an gola' sia' bopandir, “Ajaib bondar kojadian inyo kito tiat sari ni'in!”

Markus 1:27

Somuo urakng kotakan hiratn, jadi sia' bopandir agatn siku'-monyiku', “Hebat bondar ajaran boharu ni'in inyo Sio ajaran agatn kuaso. Sio monyiuh boko roh jahat, lalu sia' monuruti sio!”

Matius 15:31

Urakng banya' nantai kagupm moniant boko inyo bisu ulih bopandir, urakng inyo timpakng ulih bojalatn, huatan urakng buto ulih moniant. Obai nantai, sia' somuo momuji Allah banso Israel.

Matius 12:23

Ongko, banya' urakng di santai monjadi hiratn. Kato sia', “Mungkitn Yesus ni'in ia'an Rajo doi' koturutan Daud!”

Markus 2:11

“Bodiritn cam huatan angkatcam tikar kolai, ongko pulakngcam!”