Markus 16:9 - Porjanjian Boharu Torjomahan Baso Dilakng Soari-ari

⁹ Lopas Yesus udah bobali' hidup, kotakan sunsukng watu ari Minggu nantai, potamo Sio moniant'an diri-Nyo ko Maria Magdalena, inyo kalo Sio tundukng tujuh roh jahat doi' bukakng-tubuhnyo.

Markus 16:9 ပူးပေါင်းရင်းမြစ်များ

Lukas 8:2

Ado banyaꞌ jam boko botina' inyo tuyut. Sia' udah dinyamani doi' bomacapm ponyakit huatan boko roh jahat. Di antaronyo ado Maria, Yohana, ongko Susana. (Maria nantai disobut Magdalena. Tujuh roh jahat udah ditundukng doi' io. Yohana bini Khuza. Khuza nantai ia'an kopala' pogawai istana Rajo Herodes.) Somuo boko botina' inyo tuyut Yesus moonju' duit sia' siku' pakai' monulukng polayatan sia'.

Yohanes 20:12

Kali-labuh, io moniant duo iku' molekat inyo bopakaian putih. Koduo molekat nantai dudu' di tompat bangkai Yesus dilota'an tontainyo. Siku' molekat dudu' di buai kopala' huatan inyo bukai di buai kaki.

Markus 15:47

(Maria Magdalena ongko Maria indai Yoses moniant di mono Yesus diulit'an.)

Matius 27:56

Di antaro sia' ia'an Maria Magdalena, Maria (indai doi' Yakobus ongko Yusuf), huatan indai doi' rasul Yakobus ongko Yohanes, ia'an nantai koduo ana' Zebedeus.

Markus 15:40

Di santai ado jam boko botina' inyo moniant doi' jouh. Di antaro sia' ia'an Salome, Maria Magdalena, ongko Maria (indai doi' Yakobus inyo muda' ongko Yoses.)

Wahyu 1:10

Watu ari Tuhatn, aku dikuaso'i ulih Roh Allah. Timpu nantai, aku mondinga' saro inyo kotakan borakng samo sama'an bunyi trompet.

1 Korintus 16:2

Sotiap ari Minggu, kaitn siku'-monyiku' gola' monyisihan sobagi'an doi' pongulihan kaitn pakai' monulukng jomaat di Yerusalem. Simpatn duit nantai oca' kinyo gola' dikumpulan watu aku datakng.

Kisah Boko Rasul 20:7

Pado ari potamo dalapm minggu nantai, koi huatan boko urakng pocayo di Troas bokumpul. Koi somuo honda' morayaan Porjamuan Kudus. Paulus huatan koi kawal sopojalatannyo bohajat pakai' botula' doi' Troas sunsukng hobu'nyo. Ongko, Paulus mongajar sia' manah bondar, sampai tongah malapm.

Markus 16:8

Sia' hagar koluar ongko bonggidi'an doi' pasaran nantai obai sia' tokonyant huatan gola'. Sia' kinyo momandiran la'apo pan ko sosopo pan obai gola'. Boko botina' nantai hagar momadahan somuo posatn urakng bujakng nantai ko Petrus ongko ko boko pokawalannyo. Lopas nantai, Yesus siku' moutus boko murid-Nyo pakai' momboritoan kabar ni'in ko soluruh dunia. Sia' momboritoan Kabar doi' Allah inyo kinyo paca'an kalo hilakng, ia'an kabar obai monsio ulih disolamant'an ongko monorima' hidup inyo kokal.