Markus 16:6 - Porjanjian Boharu Torjomahan Baso Dilakng Soari-ari

⁶ Apo urakng bujakng nantai, bopandir agatn sia', “Jangan gola'! Aku tohu kaitn monggoyapi Yesus, urakng doi' laman Nazaret, inyo udah mati di kayu salib. Sio conyiant di si'itn. Sio udah bobali' hidup! Huncapm, porotian cam tompat bangkai-Nyo inyo diulit'an tontainyo.

Markus 16:6 ပူးပေါင်းရင်းမြစ်များ

Lukas 24:46

Sio bopandir, “Di dalapm Buku Suci udah ado totulis mongonaꞌi Rajo Inyo Dijanjian Allah. Io gola' ajab sonsaro sampai mati, ongko tigo ari lopas nian Io bobali' hidup.

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Markus 1:24

“Ih! Yesus, urakng doi' laman Nazaret, Duatn honda' bulah lapo agatn koi? Aku tohu Duatn Inyo Suci doi' Allah! Kata'an Duatn datakng pakai' mombonasoan koi ni'in bai?”

Matius 12:40

Yunus ado di dalapm porut ikatn bosar somanah tigo ari tigo malapm. Ubo nian jam Ana' Monsio paca'an di dalapm pasaran somanah tigo ari tigo malapm.

Markus 10:34

Io paca'an dipoulu'-ulu'an, diigahi, dicambuk lopasnyo dibunuh. Apo watu ari kotigo, Io tajahan hidup agi'.”

Markus 1:27

Somuo urakng kotakan hiratn, jadi sia' bopandir agatn siku'-monyiku', “Hebat bondar ajaran boharu ni'in inyo Sio ajaran agatn kuaso. Sio monyiuh boko roh jahat, lalu sia' monuruti sio!”

Markus 9:15

Apo watu urakng banya' nantai moniant Yesus, sia' tokonyant huatan bonggidi'an mohimpa'i Sio.

Markus 14:33

Sio mombaba' Petrus, Yakobus ongko Yohanes. Sia' botula' samoan Sio. Watu nantai, Yesus mula'i mooso kotakan salu' huatan golisah.

Kisah Boko Rasul 2:24

Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.