Markus 16:16 - Porjanjian Boharu Torjomahan Baso Dilakng Soari-ari

¹⁶ Boko urakng inyo kinyo pocayo paca'an di hukupm. Apo, boko urakng inyo pocayo huatan dibaptis paca'an disolamant'an.

Markus 16:16 ပူးပေါင်းရင်းမြစ်များ

Yohanes 3:36

Boko urakng inyo pocayo ko Ana' Allah, mondapat'an kohidupan somanah-manahnyo. Apo boko urakng inyo kinyo monaati Ana' Allah, co mondapat'an kohidupan nantai. Sia' ija' kona' hukupan doi' Allah.”

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

Yohanes 5:24

Pondinga'ancam bobondar inyo Ku pandiran ni'in: Somuo urakng inyo monuruti pomandiran-Ku huatan pocayo ko Allah inyo moutus Aku, sia' co dihukupm apo mondapat'an hidup somanah-manahnyo. Obai, sia' udah pindah doi' komatian somanah-manahnyo huatan mansu' ko dalapm kohidupan inyo bondar huatan somanah-manahnyo.

Yohanes 8:24

Nantai sobabnyo Aku bopandir ko kaitn obai kaitn paca'an mati di dalapm boko dosa kaitn. Obai, aman kaitn co pocayo Aku ninam Sio Inyo Ado, jadi kaitn paca'an mati di dalapm dosa kaitn.”

Yohanes 6:29

Timbas Yesus ko sia', “Ni'in pokoroja'an inyo dikohonda'i Allah: ia'an oca' kaitn pocayo ko Io inyo udah diutus Allah.”

Yohanes 3:5

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih monjadi anggota Koraja'an Allah aman io co dilahiran doi' ara'i agatn Roh Allah.

Kisah Boko Rasul 10:43

Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 6:35

Kato Yesus ko sia', “Aku ninam roti inyo moonji'i hidup. Somuo urakng inyo datakng ko aku, co kalo kolaparan agi'. Somuo urakng inyo pocayo ko aku, co kalo korahakan agi'.

1 Petrus 3:21

Hal nantai monggambaran baptisan inyo watu ni'in monyolamant'an kaitn. Baptisan ni'in bukainyo upacara pakai' mombulah bukakng kaitn borosih doi' kotoran. Baptisan ia'an upacara pakai' momuhun ko Allah oca' Sio mombulah hati kaitn borosih. Baptisan nantai monyolamant'an kaitn obai Yesus Kristus udah hidup agi' doi' komatian,

Markus 1:15

Kato-Nyo, “Watu inyo ditontuan Allah udah datakam. Koraja'an Allah udah dampikam. Jadi, tinggalancam boko dosa kaitn ongko pocayocam agatn Kabar Boi' ni'in!”

Kisah Boko Rasul 22:16

Jadi ni'in, jangan monanti agi'. Bodiritn huatan bosodiacam pakai' dibaptis. Bodoacam ko Tuhatn Yesus oca' boko dosa kolai diamputi.’

Yohanes 6:40

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

1 Petrus 1:21

Ia'an, kaitn dapat monjadi pocayo ko Allah obai porbuatan Kristus nantai. Allah udah bulah Sio hidup agi' doi' antaro urakng mati lalu mombulah Sio monjadi mulia. Agatn ubo nantai, kaitn pocayo huatan boharap ko Allah.

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Lukas 8:12

Bonih inyo jatu' di jalatn nantai ubo boko urakng inyo monorima' pomandiran Allah. Apo lopas nian datakng Iblis, bulah sia' tongkolupatn agatn pomandiran Allah. Sampai hati sia' kinyo pocayo. Jadi sia' kinyo disolamant'an.

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

Kisah Boko Rasul 13:39

Jadi, somuo urakng inyo pocayo agatn Yesus, dipohitukan bondar di hadapan Allah.

Roma 4:24

Pomandiran nantai ditulis pakai' kito jam. Obai, kito pan monjadi bondar di hadapan Allah obai kito pocayo ko Sio. Kito pocayo Sio inyo mombulah Yesus, Tuhatn kito, bobali' hidup agi' doi' komatian.

2 Tesalonika 2:12

Allah molabuhan nantai oca' somuo urakng kinyo pocayo Kabar Boi' inyo bondar huatan somuo urakng inyo sonang agatn boko hal inyo jahat dihukupm.

2 Tesalonika 1:8

Sio paca'an mohukupm sia' inyo co honda' mongonal Allah, sia' co honda' pocayo Kabar Boi' mongona'i Yesus, Tuhatn kito.

Kisah Boko Rasul 13:46

Apo Paulus ongko Barnabas kinyo gola'. Sia' bopandir, “Yesus moutus koi pakai' monyampaian Kabar Boi' mongona'i Sio. Koi gola' monyampaian lobih doholu ko kaitn, boko urakng Yahudi. Apo kaitn co honda' monorima' nantai. Rotinyo, kaitn kinyo moanggap diri cucu' monorima' hidup somanah-manahnyo. Obai nantai, ni'inan koi moninggalan kaitn ongko botula' molayati boko banso inyo bukainyo urakng Yahudi.

Roma 3:6

Samo sokali cado! Soandainyo Allah kinyo adil, nononyo co mungkitn Sio ulih mohakipi boko urakng di dunia ni'in?