Markus 16:10 - Porjanjian Boharu Torjomahan Baso Dilakng Soari-ari

¹⁰ Jadi, Maria Magdalena botula' momandiran kojadian nantai ko boko pokawalan Yesus. Watu nantai, sia' tongahan bulikng-undu' kapikng nangis.

Markus 16:10 ပူးပေါင်းရင်းမြစ်များ

Yohanes 20:18

Jadi Maria Magdalena mondataki boko murid Yesus. Io momadahannyo ko sia' obai io udah moniant Tuhatn Yesus bobali' hidup. Io pan momadahan ko sia' obai Yesus mo inyo momandiran boko hal nantai ko io.

Yohanes 16:6

Apo ni'inan, hati kaitn salu' obai Aku momadahan mongona'i boko hal nantai ko kaitn.

Lukas 24:17

Lalu Yesus botakutn ko sia', “La'apo inyo tongahan kaitn pongkisahan dalapm pojalatan ni'in?” Lalu, sia' botongga'. Muho sia' kotiat'an salu' bondar.

Markus 14:72

Watu nantai jam, manu' bokuku' pas koduo kalinyo. Petrus toingant pomandiran Yesus ko io, “Sobolupm manu' bokuku' duo kali, kolai paca'an monyangkal-Ku tigo kali.” Jadi, Petrus monangis obai kotakng monyosal.

Matius 9:15

Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Matius 24:30

Watu nantai, boko urakng paca'an moniant tando Ana' Monsio di langit. Somuo banso paca'an kotakng bulikng. Pas Ana' Monsio datakng di pucu' awatn, sia' paca'an moniant kuaso huatan komulia'an-Nyo.

Matius 19:22

Mondinga' pomandiran Yesus nantai, io monjadi kotakng salu' ongko moninggalan Yesus, obai io kotakng dampu.