Markus 16:1 - Porjanjian Boharu Torjomahan Baso Dilakng Soari-ari

¹ Lopas ari Sabat, Salome, Maria Magdalena, ongko Maria indai Yakobus momboli rorompahan pakai' mominya'i bangkai Yesus.

Markus 16:1 ပူးပေါင်းရင်းမြစ်များ

Lukas 23:56

Lopas nian sia' pulakng ko kota Yerusalem lalu monyiap'an boko rorompahan huatan minya' harupm pakai' mominya'i bangkai Yesus. Apo timpu Ari Sabat, sia' torahat bokorojo pakai' monaati Porintah Allah inyo ditulis Musa dalapm Hukupm Torat.

Markus 15:40

Di santai ado jam boko botina' inyo moniant doi' jouh. Di antaro sia' ia'an Salome, Maria Magdalena, ongko Maria (indai doi' Yakobus inyo muda' ongko Yoses.)

Yohanes 19:31

Ari nantai ari Jumat, ia'an nantai ari pakai' posiapan sobolupm ari Sabat. Boko pomimpitn urakng Yahudi kinyo honda' boko bangkai nantai totap ado di kayu salib watu ari Sabat, hususnyo obai ari Sabat watu nantai am Ari Rayo Paskah. Jadi, sia' datakng ko gubernur Pilatus mominto oca' kaki boko urakng nantai dipatahan, oca'nyo copat mati. Lalu, boko bangkainyo hoyu' diturutan sobolupm ari Sabat mula'i watu malapm nantai.

Yohanes 19:25

Indai Yesus bodiritn di dampikng kayu salib-Nyo. Di santai jam bordiritn somadikan indai-Nyo, Maria (bini Klopas), ongko Maria Magdalena.

Markus 16:8

Sia' hagar koluar ongko bonggidi'an doi' pasaran nantai obai sia' tokonyant huatan gola'. Sia' kinyo momandiran la'apo pan ko sosopo pan obai gola'. Boko botina' nantai hagar momadahan somuo posatn urakng bujakng nantai ko Petrus ongko ko boko pokawalannyo. Lopas nantai, Yesus siku' moutus boko murid-Nyo pakai' momboritoan kabar ni'in ko soluruh dunia. Sia' momboritoan Kabar doi' Allah inyo kinyo paca'an kalo hilakng, ia'an kabar obai monsio ulih disolamant'an ongko monorima' hidup inyo kokal.

Markus 15:47

(Maria Magdalena ongko Maria indai Yoses moniant di mono Yesus diulit'an.)

Markus 14:8

Botina' ni'in udah molabuhan la'apo inyo ulih io labuhan. Agatn caro monuyungan minya' harupm nantai ko Aku, sobondarnyo io udah monyiap'an bukakng-tubuh-Ku pakai' dipasar.

Markus 14:3

Di laman Betania, Yesus ado di rumah Simon inyo komainyo boponyakit kulit inyo bogola'i. Timpu Sio tongahan dudu' makatn, ado botina' datakng ko Sio. Botina' nantai mombaba' botul pualam inyo boisi minya' harupm inyo kotakan mahal rogonyo. Io momatahan lihi' botul nantai, lopasnyo monuyung minya' nantai ko kopala' Yesus pakai' morogo'i Sio.

Lukas 23:54

Sia' hagar momasar-Nyo sobolupm matoari tonggolapm obai ari nantai ari Jumat. Urakng Yahudi bososiap sobolupm Ari Sabat mula'i obai culih bokorojo watu ari nantai.

Markus 15:42

Ari nantai ia'an ari Jumat, ari urakng Yahudi monyodia'an posiapan sobolupm mula'i ari Sabat. Ari udah hampikng malapam, ari Sabat pan hampikam.

Markus 16:2

Watu ari Minggu, kotakan sunsukng, watu matoari hoyu' moncara', sia' botula' ko pasaran.

Lukas 24:1

Timpu ari Minggu, holapm sunsukng, boko botina' nantai botula' ko pasaran mombaba' boko rorompahan inyo udah sia' siap'an pakai' bangkai Yesus.