Markus 15:6 - Porjanjian Boharu Torjomahan Baso Dilakng Soari-ari

⁶ Nah, tiap watu ari rayo Paskah, gubernur Pilatus biasonyo molopasan siku' urakng doi' ponjara, sosuai agatn pilihan rayat.

Markus 15:6 ပူးပေါင်းရင်းမြစ်များ

Kisah Boko Rasul 25:9

Apo Festus honda' monyonangan boko urakng Yahudi. Jadi, io botakutn ko Paulus, “Apobai kolai honda' botula' ko Yerusalem? Aku ulih moadili kolai di su'utn, ongko bulah koputusan dalapm pokaro ni'in.”

Kisah Boko Rasul 24:27

Lopas udah laluam duo tohutn, Feliks digonti'i ulih Perkius Festus. Pado watu nantai pan, Feliks kinyo honda' monyolosaian pokaro Paulus doholu komai. Io totap mombiaran Paulus di ponjara obai io honda' monyonangan hati boko pomimpitn Yahudi.

Matius 26:5

Apo sia' bopandir, “Jangan kito cubo monangkap Yesus watu boko urakng morayaan Ari Rayo Paskah, obai nononyo paca'an bulah korusuhan di antaro rayat.”

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Markus 15:7

Timpu nantai ado urakng di ponjara inyo bodamoan Barabas. (Barabas ditamoan ko dalapm ponjara bosamo agatn boboropo urakng inyo mombulah pomborontakan molawatn pomorintah Romawi. Sia' pan mombunuh dalapm pomborontakan nantai.)

Yohanes 18:16

Apo Petrus tinggal di luar mo, dampikng sambakng lawakng pagar rumah nantai. Jadi, murid inyo bukai nantai bobali' ko luar, lalu bopandir agatn polayatn botina' inyo monjago lawakng nantai. Lalu, io ulih mombaba' Petrus mansu' ko tongahlamanan rumah nantai jam.