Markus 15:16 - Porjanjian Boharu Torjomahan Baso Dilakng Soari-ari

¹⁶ Lopasnyo boko projurit Pilatus nantai mombaba' Yesus ko istana gubernur. Sia' moningkau soluruh pasukan pakai' bokumpul di santai.

Markus 15:16 ပူးပေါင်းရင်းမြစ်များ

Yohanes 19:9

Jadi, io mansu' agi' ko dalapm istana. Lopas Yesus dibaba' mansu' jam, Pilatus botakutn ko Sio, “Kolai boasal doi' mono?” Apo Yesus co monimbasi.

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.

Matius 26:3

Watu nian jam, boko imam kopala' huatan boko pomimpitn urakng Yahudi bokumpul di istana Imam Agukng, damonyo Kayafas.

Kisah Boko Rasul 10:1

Di kota Kaisarea, ado siku' urakng powira tontara. Damonyo Kornelius. Kornelius ongko somuo koluarganyo bukainyo urakng Yahudi. Io momimpitn sokitar soratus projurit inyo dalapm sotilah tontara Roma disobut pasukan Italia.

Yohanes 18:33

Pilatus mansu' agi' ko dalapm istananyo lalu monyiuh oca' Yesus dibaba' mansu'. Pilatus botakutn ko Sio, “Kata'an kolai ni'in rajo urakng Yahudi ai?”

Markus 15:17

Lalu sia' mula'i mohanyam Sio sobagai rajo. Sia' mongona'an jubah ungu ko Sio. Sia' pan moanyam somacapm mahkota doi' boko ranggau boduri, lalu diangga'an dikopala'-Nyo.

Yohanes 19:2

Boko projurit nantai moanyam lou' sama'an mahkota duri, lalu mongona'an di pucu' kopala'-Nyo. Sia' mongona'an jubah ungu ko Sio.