Markus 14:41 - Porjanjian Boharu Torjomahan Baso Dilakng Soari-ari

⁴¹ Lopas nian, Yesus botula' kotigo kalinyo. Watu Sio bobali', Sio bopandir ko sia', “Kaitn pagutn tidu' ongko torahat bai?! Jadiam! Watunyo udah tuntukam pakai' Ana' Monsio disorahan ko boko urakng inyo bodosa.

Markus 14:41 ပူးပေါင်းရင်းမြစ်များ

Markus 14:35

Lopasnyo, Yesus bojalatn sodikit lobih jouh. Sio tundu' monyungkapan lalu bodoa. Dalapm doa-Nyo, Sio minto aman ulih Sio jangan moalapi watu ajab sonsaro inyo paca'an tojadi.

Markus 9:31

Obai Sio tongahan mongajar boko muridnyo. Kato-Nyo ko sia', “Ana' monsio paca'an ditangkap lalu disorahan ko urakng inyo molawatn Io. Sia' paca'an mombunuh-Nyo, apo Io paca'an bobali' hidup di ari ko tigo.”

Yohanes 17:1

Lopas jadi Yesus momadahan somuonyo nantai ko boko murid-Nyo, Sio monongadah ko langit, kato-Nyo, “Bopai, udah watunyo am. Muliaancam Ana' Duatn, oca' Aku ulih momuliaan Duatn.

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!

Yohanes 12:27

Watu ni'in, hati-Ku kotakng salu'. Lapo inyo gola' Aku pandiran? ‘Bopai, solamat'an Aku doi' pondorita'an inyo paca'an Kualapi ni'in’? Apo Aku co paca'an momadahan nantai. Obai, ninam ponyobabnyo Aku datakng ko dunia.

Yohanes 12:23

Kato Yesus ko sia', “Udah datakam watunyo Ana' Monsio dimuliaan.

Yohanes 8:20

Yesus momadahan somuo ni'in watu Io mongajar di tongahlamanan Rumah Allah dampikng tompat posombahan. Apo, conyiant ado siku' urakng pan inyo monangkap Sio obai watunyo bolupm datakng.

Yohanes 7:30

Obai nantai, sia' bousaha monangkap Yesus, apo conyiant ado siku' urakng pan inyo ulih moncama'-Nyo, obai watunyo nantai bolupm datakng.

Markus 14:18

Tongahan sia' dudu' makatn di santai, Yesus bopandir, “Dinga'an bo! Siku' doi' antaro kaitn inyo makatn bosamo agatn Aku paca'an monyorahan Ku ko boko urakng inyo molawatn Aku.”

Markus 14:10

Lopas nantai, Yudas Iskariot, ia'an salah siku' doi' koduo bolas rasul Yesus, io botula' ko boko imam kopala' tujuannyo pakai' monyorahan Yesus ko sia'.

Markus 7:9

Yesus bopandir jam, “Kaitn pandai bondar monula' porintah Allah oca' ulih momportahatan poraturan kaitn siku'

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Markus 14:40

Lopas Sio bobali', Sio moniant sia' tongahan tidu' agi' am obai sia' kotakan ngantu'. Jadi, sia' co tohu la'apo inyo gola' sia' pandiran ko Yesus.

Markus 14:42

Huascam! Hincapm! Udah datakam io inyo monyorahan Aku ko boko urakng inyo molawatn Ku.”