Markus 13:8 - Porjanjian Boharu Torjomahan Baso Dilakng Soari-ari

⁸ Banso tajahan boparakng molawatn banso inyo bukai. Negara molawatn negara inyo bukai. Di mono-mono tajahan ado kolaparan huatan gompa bumi. Apo somuo hal nantai bayo pomula'an doi' somuo ajab sonsaro inyo tajahan tojadi. Samo sama'an indai inyo buntikan mooso podih watu mohidap-porut honda' boana'an.

Markus 13:8 ပူးပေါင်းရင်းမြစ်များ

Matius 24:8

Apo somuo hal nantai bayo pomula'an. Samo sama'an botina' inyo buntikan mooso kompodihan watu mohidap-porut.

Wahyu 6:4

Lalu, siku' kuda inyo bukainyo koluar. Kuda nantai mirah sama'an api bonyalo. Urakng inyo monunggaki kuda nantai dionji'i kuaso pakai' mohilakan kodamaian doi' muka' bumi, oca' monsio hala bobunuhan. Io pan dionji'i podakng inyo bosar.

1 Tesalonika 5:3

Paca'an ado boko urakng inyo mongatoan, “Somuonyo boi'-boi' mo.” Apo malahan watu nantai socaro sopongirap sia' paca'an dibonasoan samo sama'an siku' urakng botina' buntikan inyo socaro sopongirap moalapi mohidap-porut honda' boana'an. Botina' nantai co dapat moloukan doi' oso podih porut nantai. Ubo nian jam, sia' inyo co pocayo kinyo paca'an ulih moloukandoi' hukupan nantai.

Kisah Boko Rasul 11:28

Salah siku' doi' sia' bodamo Agabus. Timpu, io bodiritn dalapm potomuan boko urakng pocayo. Roh Allah ado momonuhi io. Ongko io boposatn mongona'i lapar-barau inyo paca'an tojadi di soluruh doerah Israel. (Lapar-barau nantai bondar-bondar tojadi watu Klaudius nantai monjadi Kaisar negara Roma).

Markus 13:7

Kaitn tajahan mondinga' lotup poparakan huatan borito mongona'i poparakan. Apo jangan gola'. Somuonyo nantai gola' tojadi. Apo nian kinyo boroti dunia tajahan boahir dalapm watu inyo dampikng.

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.