Markus 13:7 - Porjanjian Boharu Torjomahan Baso Dilakng Soari-ari

⁷ Kaitn tajahan mondinga' lotup poparakan huatan borito mongona'i poparakan. Apo jangan gola'. Somuonyo nantai gola' tojadi. Apo nian kinyo boroti dunia tajahan boahir dalapm watu inyo dampikng.

Markus 13:7 ပူးပေါင်းရင်းမြစ်များ

Yohanes 14:27

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

Kisah Boko Rasul 17:3

Io monunju'an boko bagian doi' Buku Suci mongona'i Rajo Inyo Dijanjian Allah. Io monjolasan obai Rajo nantai gola' ajab sonsaro ongko mati. Apo, Rajo nantai paca'an bobali' hidup. Ongko Paulus bopandir, “Aku momboritoan ko kaitn mongona'i Yesus. Sio nantai Rajo Inyo Dijanjian Allah.”

Matius 18:7

Allah paca'an mohukupm dunia ni'in obai boko hal inyo bulah boko urakng bodosa! Memang boko hal nantai gola' ado, apo Allah paca'an mohukupm sotiap urakng inyo bulah urakng bukai bodosa!

Yohanes 14:1

Lalu Yesus bopandir ko boko murid-Nyo, “Jangannam hati kaitn golisah! Pocayocam ko Allah. Pocayocam ko aku.

Matius 2:3

Timpu Rajo Herodes mondinga' borito mongona'i bobia' nantai inyo paca'an monjadi rajo, ongko io monjadi kotakng golisah. Ubo nian jam somuo urakng di Yerusalem.

Markus 13:6

Obai banya' urakng tajahan datakng inyo mongaku' dirinyo Aku. Sia' tajahan bopandir, ‘Aku nam Rajo Inyo Dijanjian Allah!’ Sia' tajahan monipu urakng banya'.

Markus 13:8

Banso tajahan boparakng molawatn banso inyo bukai. Negara molawatn negara inyo bukai. Di mono-mono tajahan ado kolaparan huatan gompa bumi. Apo somuo hal nantai bayo pomula'an doi' somuo ajab sonsaro inyo tajahan tojadi. Samo sama'an indai inyo buntikan mooso podih watu mohidap-porut honda' boana'an.